མཉམ་སྡེབ་ཀྱི་དཔལ་འབྱོར་སྟོབས་ཆེར་གཏོང་བར་བརྟེན་ནས་དུས་ཡུན་རིང་པོར་གསོ་ཚགས་ཁ་ཐོར་དང་། གཞི་ཁྱོན་ཅན་གྱི་ཕན་འབྲས་ཐོན་མི་ཐུབ་པའི་གནད་དོན་ཐག་གཅོད་བྱ་ཆེད། ལྷོ་ཁ་གྲོང་ཁྱེར་མཚོ་སྨད་རྫོང་སྒོ་བསྡུས་ཤང་འཕགས་ཚང་གྲོང་ཚོའི་གྲོང་སྡོད་ལས་དོན་རུ་ཁག་དང་གྲོང་ཚོའི“ཨུ་ལྷན་གཉིས”ཀྱིས་ཡུལ་མིའི་ཚོགས་ཆེན་ཐེངས་མང་འཚོགས་ནས་བསམ་འཆར་རྒྱ་ཁྱབ་ཏུ་ཉན་པ་དང་། བརྟག་དཔྱད་དང་རིགས་པས་ཁུངས་སྐྱེལ་གཏིང་ཟབ་བྱས་མཐར་གཅིག་སྡུད་ངང་གྲོང་ཚོ་ཡོངས་ཀྱི་ལུག་ཉོས་ནས་མཉམ་དུ་གསོ་ཚགས་བྱ་རྒྱུའི་ཐག་བཅད་པ་དང་། ད་རེས་གསོ་ཚགས་དུད་ཚང་125ནས་ཁྱོན་ལུག་2119ཉོས་ཡོད།
འདི་ནི་ལས་དོན་པས་སྒོ་རྩར་ཡོང་ནས་ལུག་ཉོ་བཞིན་པ།