ལྕང་གླིང་གྲུ་བཞིའི་ནང་དུ། །

འཇོལ་མོའི་གསུང་སྐད་སྙན་པ། །

དྲུག་འགྱུར་དབྱངས་ཀྱི་རོལ་མོ། །

འཇོལ་མོའི་ངག་ན་ཡོད་རེད། །

ཀྱུར་ཀྱུར་གསུང་སྙན་སྒྲོག་དུས། །

གནག་སྣུམ་ཚང་ཚིང་སྐྱིད་པ། །

གཡུ་ལོའི་འདབ་བརྒྱ་གྲོལ་དུས། །

འཇོལ་མོ་གནས་བཟོད་བདེ་བ། །

ཟམ་ཟིམ་ཆར་པའི་ཟེགས་མ། །

མུ་ཏིག་དོ་ཤལ་འདྲ་བ། །

ནགས་མའི་ཀླུང་ལ་འཐོར་དུས། །

ནེམ་ཤ་ལྷག་པར་དོད་སོང་། །

ཟིལ་པའི་ཟེགས་མ་ཕྲ་མོ། །

ལས་ཀྱི་དངོས་གྲུབ་ཡིན་སོང་། །

བྱེའུ་ཆུང་འཇོལ་མོའི་ངག་གི །

རེ་བའི་བདུད་རྩི་ཡིན་སོང་། །

སྐྱིད་ཀྱང་སྐྱོ་ཤས་ལོས་ཡོད། །

སང་གནངས་ག་འགྱུར་ཆ་མེད། །

སྡུག་ཀྱང་སྡུག་མདོག་མི་དགོས། །

སྐྱོ་བ་བསངས་དུས་ཡོད་རེད། །

ཆོག་ཤེས་སེམས་ལ་ཡོད་ན། །

འཁང་ར་གཞན་ལ་མི་དགོས། །

འཇོལ་མོའི་གསུང་སྐད་ཐོས་དུས། །

རང་སེམས་ལྷོད་ལ་བབས་ཡོང་། །