※ ལྷུན་པོ་ཆུ་ཡིས་སྣུབ་དོགས་མེད།

ལུང་པ་རླུང་གིས་ཁྱེར་དོགས་མེད།

※ ལག་པ་ཡ་གཅིག་གི་ཐལ་མོ་དང་།

རྐང་པ་ཡ་གཅིག་གི་ཞབས་བྲོ།

※ རྐང་ལག་ཕྲ་མོར། ཁུར་པོ་ལྕི་མོ།

※ ཁྱུང་མཁའ་ལྡིང་རྙི་ལ་འཛིན་ཐབས་མེད།

སྟག་དམར་ཡག་ཐག་པས་འདོཊ་ཐབས་མེད།

※ མིག་མེད་པའི་ལོང་བ་ཐང་གང་རེད།

གཏམ་མི་ཤེས་ལྐུགས་པ་ཁྱུ་གཅིག་རེད།

※ ཐིགས་པ་བསགས་ན་རྒྱ་མཚོ། ས་རྡུལ་བསགས་ན་རི་རབ།

※ རྒྱུ་འགྲོ་ས་རྒྱལ་པོའི་བང་མཛོད།

ཆུ་འབབ་ས་ལུང་པའི་སུམ་མདོ།

※ རྩུབ་པོ་ཤིང་ལ་མི་འགྲོ། འཇམ་པོ་བལ་ལ་མི་འགྲོ།

※ ལོང་བ་མཐོང་རྒྱ་ཆེ། འོན་པ་ཐོས་རྒྱ་ཆེ།

※ རིང་ཐུང་འཇལ་བས་ཤེས། ཡག་ཉེས་དཔྱད་པས་ཤེས།

※ མེ་སྟག་ཆུང་དུས་མ་བསད་ན།

ནགས་རི་མེ་ལ་ཤོར་ཉེན་ཡོད།

※ བྱེའུ་ཆུང་གསུང་སྐད་སྙན་ཡང་། སྐུ་ཤ་རྒྱ་སྲང་དོ་རེད།

※ རྟོཊ་ལྡན་མི་གཅིག་ལག་གཅིག ཇག་པ་མི་མང་ལག་མང་།

※ གྲོགས་བཟང་པོ་སྨན་གྱི་ལྗོན་ཤིང་རེད།

གྲོགས་ངན་པ་དུག་གི་སྡོང་པོ་རེད།

※ རྣོ་མེད་རལ་གྲི་དབྱུག་པ་འདྲ།

འགྲོས་མེད་འདོ་བ་གླང་རྒན་འདྲ།

※ དབང་ཆེན་རི་ལ་མ་ཤོར་བ་དང་།

ཉམ་ཆུང་སྒོ་རྒྱབ་ཏུ་མ་ལུས་པ།

※ སྐྱིད་ན་ནམ་མཁའི་བྱ་ཡང་འཁོར།

སྡུག་ན་མཆན་གྱི་བུ་ཡང་བྲོས།

※ ཁ་ཆེ་རུང་སྣ་བའི་འོག་ན་ཡོད།

ཆུ་ཆེ་རུང་ཟམ་པའི་འོག་ལ་ཡོད།

※ ཁ་མཆུ་ཏོ་ཟུར་གསུམ་གྱིས་རྫུན་མ་ལབ།

ལག་མཛུབ་མོ་བཅུ་ཡིས་རྐུ་མ་རྒྱག

※ རྒྱ་མཚོར་མེ་འབར་ན་གསོད་པའི་ཆུ་མི་རག

རྡོ་ལ་སྤུ་སྐྱེས་ན་བཞར་བའི་གྲི་མི་རག

※ ང་རྒྱལ་གྱི་བྲག་འབུར་སྟེང་། ཡོན་ཏན་གྱི་ཆུ་མི་ཆགས།

※ ཆུང་དུས་འོ་མའི་གསོ་སྐྱོང་མེད་པ་ལ།

ཤི་ཁར་ཐུག་པའི་སྐྱེལ་མ་དགོས་ཡས་མེད།

※ བདེན་པ་མར་ཡིན་ཡང་མི་ཞུར།

རྫུན་མ་ལྕགས་ཡིན་ཡང་མཐིལ་བརྡོལ།

※ བྱ་མེད་སར་བོང་བུས་ནམ་ཚོད་དང་།

ཁྱི་མེད་སར་ཞི་མིས་རུས་པ་མུར།