ད་ལོ་ནི་ངེད་བོད་ལྗོངས་ཉིན་རེའི་ཚགས་པར་བཏོན་ནས་ལོ་ངོ་70འཁོར་བའི་བཀྲ་ཤིས་རྫོགས་ལྡན་གྱི་ལོ་ཞིག་རེད། ལོ་ངོ་70ཡི་རིང་། ཏང་ཀྲུང་དབྱང་གི་བྱམས་བརྩེའི་ཐུགས་ཁུར་དང་རང་སྐྱོང་ལྗོངས་ཏང་ཨུད་ཀྱི་ཡང་དག་པའི་འགོ་ཁྲིད་འོག ང་ཚོས་ཏང་གི་མགྲིན་ཚབ་པ་དང་། ཏང་དང་མང་ཚོགས་ཀྱི་འབྲེལ་ཟམ་ཡག་པོ་ཞིག་བྱས་ཏེ། དོན་དངོས་དང་ཉེ་བཅར་དང་། འཚོ་བ་དང་ཉེ་བཅར། མང་ཚོགས་དང་ཉེ་བཅར་བཅས་བྱས་ནས། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཆེད་གསར་འགྱུར་དྲིལ་བསྒྲགས་ཀྱི་སྟོབས་ཤུགས་སྐྱེས་སུ་གང་ལེགས་ཕུལ་ཡོད། མཚམས་འདིར། ལོ་ངོ་70འཁོར་བར་རྟེན་འབྲེལ་གཟབ་རྒྱས་ཞུ་ཆེད། འདི་ག་ཚགས་པར་གྱི《རྩོམ་རིག་དགའ་ཚལ》གྱི་པར་ངོས་སུ《ང་དང་བོད་ལྗོངས་ཉིན་རེའི་ཚགས་པར》ཞེས་པའི་ལེ་ཚན་བཏོད་ནས། ཁྱེད་དང་ང་ཚོའི་དབར་གྱི་མཛའ་གཅུགས་ཟབ་མོ་དང་གཏམ་རྒྱུད་སྙན་མོ་ཡི་གེའི་ལམ་ནས་ལྷན་རྒྱས་ལ་སྤྱན་འབུལ་ཞུ་རྒྱུ་ཡིན་པས། དགྱེས་གཟིགས་གནང་བར་འཚལ།