※ སྐྱ་རེངས་ནམ་མཁའ་མི་ལངས་པར།

ཁྲི་གདུགས་ཉི་མ་ཤར་ཐབས་མེད།

※ བསྐལ་པ་ཆགས་པའི་གངས་རི་རེད་མ་གཏོགས།

རླུང་གིས་དེད་པའི་བྱེ་རི་མ་རེད།

※ ཁ་ཆེ་རུང་སྣ་བའི་འོག་ན་ཡོད།

ཆུ་ཆེ་རུང་ཟམ་པའི་འོག་ལ་ཡོད།

※ ཁ་མཆུ་ཏོ་ཟུར་གསུམ་གྱིས་རྫུན་མ་ལབ།

ལག་མཛུབ་མོ་བཅུ་ཡིས་རྐུ་མ་རྒྱག

※ ཁོག་པ་གཤགས་རུང་དུང་དཀར་ཡིན།

ཁྲག་རྩ་བཅད་ཀྱང་འོ་མ་ཡིན།

※ གོ་བའི་བུ་ལ་ཚིག་གསུམ་ཆོག

མགྱོགས་པའི་རྟ་ལ་ལྕག་གསུམ་ཆོག

※ གྱོད་ཁ་མཆུ་གཏམ་གྱིས་འདུམ།

གོས་རལ་བ་སྐུད་པས་འཚེམ།

※ གྲོགས་ངན་པ་དུག་གི་སྡོང་པོ་རེད།

གྲོགས་བཟང་པོ་སྨན་གྱི་ལྗོན་ཤིང་རེད།

※ མགོ་མགོ་ཞེང་ཆེ་ལ་ཀླད་པ་མེད།

བྲང་བྲང་གཞུང་ཆེ་ལ་སྙིང་སྟོབས་མེད།

※ རྒྱ་མཚོར་མེ་འབར་ན་གསོད་པའི་ཆུ་མི་རག

རྡོ་ལ་སྤུ་སྐྱེས་ན་བཞར་བའི་གྲི་མི་རག

※ ང་རྒྱལ་གྱི་བྲག་འབུར་སྟེང་།

ཡོན་ཏན་གྱི་ཆུ་མི་ཆགས།

※ ཆུང་དུས་འོ་མའི་གསོ་སྐྱོང་མེད་པ་ལ།

ཤི་ཁར་ཐུག་པའི་སྐྱེལ་མ་དགོས་ཡས་མེད།

※ བདེན་པ་མར་ཡིན་ཡང་མི་ཞུར།

རྫུན་མ་ལྕགས་ཡིན་ཡང་མཐིལ་བརྡོལ།

※ བྱ་མེད་སར་བོང་བུས་ནམ་ཚོད་དང་།

ཁྱི་མེད་སར་ཞི་མིས་རུས་པ་མུར།

※ བློ་རྒྱ་ས་གཞི་ལས་ཆེ་ཡང་།

བྱ་བ་རྡུལ་ལྟར་ཞིབ་དགོས།