འདི་ག་ཚགས་པར་ཁང་དུ་ལྷ་ས་ནས་ཟླ་1ཚེས་29ཉིན་གནས་ཚུལ་འབྱོར་གསལ། ཚེས་29ཉིན་གྱི་ཕྱི་དྲོར། རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་དང་རང་སྐྱོང་ལྗོངས་སྲིད་གྲོས་ཏང་ཙུའི་ཧྲུའུ་ཅི་ལིའུ་ཅང་གིས་རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་གནས་སྐབས་ཏང་ཨུད་དང་ཚོགས་ཆེན་དྲུང་ཡིག་ཁྲུའུ་ཡི་ཚོགས་འདུ་གཙོ་སྐྱོང་གནང་ནས། རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་གནས་སྐབས་ཏང་ཨུད་ཀྱི་ཁོངས་མི་དང་རིགས་ཁོངས་ཁག་གི་ཚོགས་ཆུང་གི་གནས་སྐབས་ཏང་ཀྲི་པུའུ་འཛུགས་རྒྱུའི་སྐོར་གྱི་རང་སྐྱོང་ལྗོངས་ཏང་ཨུད་ཀྱི་བརྡ་ཐོ་བརྒྱུད་བསྒྲགས་གནང་བ་དང་ཚང་འཛོམས་གྲོས་ཚོགས་ཀྱི་འབྲེལ་ཡོད་གནས་ཚུལ་བརྡ་ཁྱབ་བཏང་སྟེ། ཚད་མཐོའི་ཆབ་སྲིད་ཀྱི་འགན་འཁྲི་འཁུར་སེམས་དང་ལོ་རྒྱུས་ཀྱི་ལས་འགན་སྒྲུབ་སེམས་ལ་བརྟེན་ནས། རང་དཔེ་གཞན་སྟོན་དང་འགན་འཁྲི་གཙང་སྒྲུབ་ཀྱིས་སྒྲིག་འཛུགས་དང་། སྣེ་ཁྲིད། དཔེ་སྟོན། མཐུན་སྦྱོར་བཅས་ཀྱི་ནུས་པ་ཡག་པོ་བཏོན་ཏེ། ཚོགས་འདུ་འདི་ཉིད་མཐུན་སྒྲིལ་དང་། དམངས་གཙོ། བདེན་འཚོལ། ཡར་བརྩོན་བཅས་ཀྱི་ཚོགས་ཆེན་ཞིག་ཏུ་འཚོག་ཐུབ་པར་བྱེད་དགོས་པའི་ནན་བཤད་གནང་བ་རེད།
(པར་ངོས་གསུམ་པར་གཟིགས)(པར་ངོས་དང་པོར་མཐུད)
རང་སྐྱོང་ལྗོངས་སྲིད་གྲོས་ཏང་ཙུའི་ཧྲུའུ་ཅི་གཞོན་པ་དང་ཀྲུའུ་ཞི་གཞོན་པ་མོང་ཞའོ་ལིན་དང་རང་སྐྱོང་ལྗོངས་སྲིད་གྲོས་ཏང་ཙུའི་ཁོངས་མི་དང་ཀྲུའུ་ཞི་གཞོན་པ་ངག་དབང་དང་། པད་མ་དབང་འདུས། སྒྲོལ་དཀར། ཡུས་ཡུན་ཀུའེ། ཝང་ཀང་བཅས་ཚོགས་འདུར་ཕེབས་པ་རེད།
ཚོགས་འདུའི་ཐོག་བླང་བྱ་བཏོན་དོན། ཆབ་སྲིད་ཀྱི་ཁྲིད་སྟོན་ལ་ཤུགས་སྣོན་རྒྱག་པ་དང་། མི་དམངས་སྲིད་གྲོས་ལམ་ལུགས་དང་མི་དམངས་སྲིད་གྲོས་རྩ་འཛུགས་ཀྱི་མངོན་གསལ་དོད་པའི་ཆབ་སྲིད་ཀྱི་ངོ་བོར་ངོས་འཛིན་གཏིང་ཟབ་བྱེད་པ། ཚོགས་འདུའི་བརྒྱུད་རིམ་ཧྲིལ་པོ་དང་ཕྱོགས་ཁག་ལ་ཏང་གི་འགོ་ཁྲིད་ཁྱབ་རྒྱུ་མཐའ་འཁྱོངས་བཅས་བྱས་ཏེ“དོན་ཐོག་ཏུ་འཁྱོལ་བ་དང་གཅིག་ཏུ་སྒྲིལ་བའི”ཆབ་སྲིད་ཀྱི་འགན་འཁྲི་ཏན་ཏིག་འཁུར་དགོས། སེམས་ལ“རྒྱལ་ཁབ་ཀྱི་དོན་ཆེན་ཨང་དང་པོ”དང་། རང་སྐྱོང་ལྗོངས་ཀྱི་དོན་ཆེན། མི་དམངས་ཀྱི་དོ་ཁུར་བཅས་འཆང་བ་དང་། “ལོ་ལྔ་ཚན་བཅོ་ལྔ་པའི”འཆར་འགོད་བཟོ་བ་དང་ལག་ལེན་བསྟར་རྒྱུར་དམ་པོར་དམིགས་པ། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་པ། ཚོགས་འདུའི་སྙན་སྒྲོན་དང་གྲོས་ཆོད་ཁག་ལ་གྲོས་ཞིབ་ནན་ཏན་བྱེད་པ། ཡུལ་བབ་དམངས་འདུན་ཧུར་ཐག་མཚོན་པ་བཅས་བྱས་ཏེ། ཆེད་ལས་རང་བཞིན་དང་། དམིགས་སའི་རང་བཞིན། བཀོལ་སྤྱོད་རང་བཞིན་བཅས་ལྡན་པའི་ཁ་གཏད་གཅོག་ཐབས་དང་གྲོས་འགོ་བཏོན་ཏེ། ཆུ་ཚད་མཐོ་བའི་གྲོས་འདོན་ལ་བརྟེན་ནས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས། ལས་ཀའི་འགན་འཁྲི་ནན་དུ་གཏོང་བ་དང“བསམ་ཇུས་གཅིག”གི་བསམ་བློ་བརྟན་པོ་བཙུགས་ནས“རྟག་ཏུ་བློ་བཟོད་མི་བདེ་བའི”འགན་འཁྲི་འཁུར་སེམས་དེ“བྱ་བ་ཚང་མར་གདེང་ཚོད་ཡོད་པའི”བྱ་སྤྱོད་སྤེལ་ནུས་ལ་འགྱུར་བར་བྱེད་པ་དང་། ཐོག་མཐའ་བར་གསུམ་དུ་མགོ་ཡོད་མཇུག་ཡོད་དང་སྒྲུབ་མཁས་ལ་རྗེས་ཐོན་པའི་ལས་ཀའི་རྣམ་འགྱུར་རྒྱུན་འཁྱོངས་བྱེད་པ། སེམས་ནུས་གཅིག་སྒྲིལ་དང་། འགན་འཁྲི་འཁུར་ཕོད་པ། བྱས་རྗེས་འཇོག་པ་བཅས་བྱས་ཏེ་སྒྲིག་འཛུགས་མཐུན་སྦྱོར་དང་ཞབས་ཞུ་འགན་ལེན་སོགས་ཀྱི་ལས་དོན་ཡག་པོ་བསྒྲུབས་ནས་ཚོགས་ཆེན་གྲུབ་འབྲས་ཐོབ་པའི་ངང་འཚོག་ཐུབ་པའི་འགན་ལེན་བྱེད་དགོས།
（ལྷག་པ་ཚེ་རིང་གིས་བསྒྱུར། གནམ་ཕྱུག་རྒྱལ་གྱིས་ཞུས）