འདི་ག་ཚགས་པར་ཁང་དུ་ལྷ་ས་ནས་ཟླ་1ཚེས་23ཉིན་གནས་ཚུལ་འབྱོར་གསལ། ཚེས་23ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་ཏང་ཙུའི་ཧྲུའུ་ཅི་དང་ཀྲུའུ་རེན་བཅས་ཡིན་པའི་ཡན་ཅིན་ཧའེ་ཡིས་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་ཏང་ཙུའུ་ཡི་2026ལོའི་ཚོགས་འདུ（རྒྱ་ཆེ）ཐེངས་དང་པོ་གཙོ་སྐྱོང་གནང་ཞིང་། ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། རང་སྐྱོང་ལྗོངས་ཏང་ཨུད་ཀྱི་ལས་དོན་བཀོད་སྒྲིག་གཞིར་བཟུང་། མི་དམངས་འཐུས་ཚོགས་ཀྱི་དོན་དངོས་དང་ཟུང་འབྲེལ་བྱས་ཏེ་ལག་བསྟར་བྱ་ཐབས་ཞིབ་འཇུག་བྱས་པ་རེད།

ཡན་ཅིན་ཧའེ་ཡིས་གསུངས་དོན། “ལོ་ལྔ་ཚན་བཅོ་ལྔ་པའི”འགོ་ཚུགས་ལོར་སྐབས་ཉི་ཤུ་པའི་ཀྲུང་དབྱང་སྒྲིག་ཨུད་ཀྱི་ཚང་འཛོམས་གྲོས་ཚོགས་ཐེངས་ལྔ་པ་རྒྱལ་ཁའི་ངང་འཚོགས་ཤིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གསུང་བཤད་གལ་ཆེན་གནང་སྟེ་ཆོད་སེམས་ངོམ་པ་དང་། ཁ་ཕྱོགས་སྟངས་འཛིན།

(པར་ངོས་གསུམ་པར་གཟིགས)(པར་ངོས་དང་པོར་མཐུད) ཐབས་ཇུས་འདོན་པ་བཅས་གནང་བས། ཕྱོགས་ཡོངས་ནས་ཏང་ནན་པོས་སྐྱོང་བའི“མཚམས་མེད་རྒྱུན་སྒྲུབ”ཀྱི་རིག་པ་དྭངས་གསལ་མངོན་པ་དང་། རྒྱང་ལམ་གསར་པར་བརྟེན་ནས་ཏང་གི་རང་ངོས་གསར་བརྗེར་སྐུལ་འདེད་གཏོང་བར་“འཆར་གཞི”བཀོད་ཡོད། ང་ཚོས་ཏང་གི་རང་ངོས་གསར་བརྗེའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། ཚད་གཞི་སྔར་བས་མཐོ་བ་དང་བྱེད་ཐབས་སྔར་བས་ཏན་ཏིག་ལ་བརྟེན་ནས་ཕྱོགས་ཡོངས་ནས་ཏང་ནན་པོས་སྐྱོང་བར་སྐུལ་འདེད་གཏོང་བ་དང་། སྤྱོད་ཚུལ་བཟང་པོར་བརྟེན་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་ལ་གཡས་གཞོགས་གཡོན་འདེགས་བྱེད་དགོས།

ཡན་ཅིན་ཧའེ་ཡིས་ནན་བཤད་གནང་དོན། “ཚད་གཞི་དེ་བས་མཐོ་བ”ཚད་གཞིར་བཟུང་ནས་ལྷག་བསམ་རྣམ་དག་གི“གདོང་དམག”བྱེད་པ་དང་། “གཏན་འཁེལ་གཉིས”ལ་བརྩི་བཀུར་མཐའ་གཅིག་ཏུ་ཞུ་བ། “སྲུང་སྐྱོང་གཉིས”མཐའ་གཅིག་ཏུ་ཐུབ་པ། ཏང་གི་གསར་གཏོད་རིགས་པའི་གཞུང་ལུགས་ཀྱིས་བསམ་བློར་དྲག་ཆས་སྤྲོས་རྒྱུ་མཐའ་འཁྱོངས། “དོན་ཆེན་བཞིར”དམིགས་ཏེ་ཁྲིམས་ལྟར་འགན་དབང་སྤྱོད་པ། མིག་སྔར་གཞི་ཚུགས་པ་དང་ཕུགས་ལ་དམིགས་པའི་ཁྲིམས་འཛུགས་དང་། ལྟ་སྐུལ། འཐུས་མི་སོགས་ཀྱི་ལས་དོན་མང་ཙམ་སྒྲུབ་པ། ཏང་ལ་ལྷག་བསམ་རྣམ་དག་བྱེད་པ་དེ་འགན་སྒྲུབ་བརྒྱུད་རིམ་ཧྲིལ་པོའི་གང་ས་ཅི་ཐད་ནས་མངོན་པ། སྲིད་དོན་ལས་རྗེས་ཀྱི་ལྟ་བ་བརྟན་པོ་བཙུགས་ཏེ་བློ་བརྟན་འགྱུར་མེད་ངང་ཆབ་སྲིད་ཐད་ཀྱི“གསལ་རྟོགས་པ”དང་དོན་འཁྱོལ་ཐད་ཀྱི“ལག་ལེན་པ” བྱེད་དགོས། “བླང་བྱ་སྔར་བས་ནན་པོ”ཚད་གཞིར་བཟུང་ནས་ཁྲིམས་སྲོལ་ལམ་ལུགས་ཀྱི“ལག་ལེན་པ”བྱས་ཏེ་ཁྲིམས་སྐྱོང་གི་འདུ་ཤེས་ཟབ་ཏུ་བཏང་ནས་ཁྲིམས་སྲོལ་དང་ལམ་ལུགས་ཀྱི་མདུན་དུ་མི་ཚང་མ་འདྲ་མཉམ་ཡིན་པ་མཐའ་འཁྱོངས་བྱེད་དགོས། ཁྲིམས་འཛུགས་ཀྱི་བརྟག་ཞིབ་བྱེད་ཤུགས་ཆེ་རུ་བཏང་སྟེ་ཁྲིམས་འཛུགས་དོན་འཁྱོལ་ལ་སྐུལ་འདེད་གཏོང་བ་དང་། རང་སྐྱོང་ལྗོངས་ཏང་ཨུད་ཀྱི་རུལ་སུངས་ལ་ངོ་རྒོལ་བྱེད་པའི་བྱེད་ཐབས་དང་ཉམས་མྱོང་དག་ས་གནས་རང་བཞིན་གྱི་ཁྲིམས་སྲོལ་གཏན་འབེབས་དང་བཟོ་བཅོས་ནང་དངོས་སུ་འདྲེས་པར་བྱས་ཏེ། རུལ་སུངས་འགོག་བཅོས་བྱེད་པའི་ལམ་ལུགས་ཀྱི་རླུང་ཙི་དམ་དུ་གཏོང་དགོས། “བྱེད་ཐབས་སྔར་བས་ཏན་ཏིག”ཚད་གཞིར་བཟུང་ནས་སྤྱོད་གཙང་རང་འདོམས་ཀྱི“གཞུང་དྲང་པ”བྱས་ཏེ་ཏང་གཤིས་ཀྱི་ཞུན་བརྡར་དེ་ཚེ་གང་གི་ཞིབ་འཇུག་བྱ་གཞིར་བརྩི་བ་དང་། ཆབ་སྲིད་ཀྱི་བློ་སྦྱོང་དེ་ཏང་གཤིས་བློ་སྦྱོང་གི་ཨང་དང་པོར་འཇོག་པ། ཏང་གི་སྒྲིག་ཡིག་དང་། སྒྲིག་སྲོལ། སྒྲིག་ཁྲིམས་བཅས་དུས་རྒྱུན་གྱི་བྱ་སྤྱོད་ཚད་གཞིར་བརྩི་བ། ཏང་སྲོལ་སྲིད་གཙང་འཛུགས་སྐྱོང་དང་ལས་སྒོའི་ལས་དོན་མཉམ་དུ་ཇུས་འགོད་དང་དཔྱད་ཞིབ་བྱ་རྒྱུ་མཐའ་འཁྱོངས་བྱས་ནས་མཉམ་དུ་སྐུལ་སྤེལ་དང་ཕན་འབྲས་ཐོན་པར་བྱེད་དགོས། ངན་རུལ་མཉམ་བཤེར་མཉམ་བཅོས་མཐའ་འཁྱོངས་བྱས་ཏེ་ཏང་གཤིས་དང་། ཏང་སྲོལ། ཏང་གི་སྒྲིག་ཁྲིམས་བཅས་ལ་དམ་འཛིན་ཏན་ཏིག་དང་རུལ་རྒོལ་གཙང་སྤེལ་ལ་གཞི་གཅིག་ཏུ་སྐུལ་འདེད་གཏོང་བ་དང་། གྱོད་འདྲེན་ལེགས་བཅོས་དང་གྱོད་འདྲེན་བཅོས་སྐྱོང་ཟབ་ཏུ་བཏང་སྟེ་གྱོད་གཞི་གཅིག་ཞིབ་བཤེར་ཐག་གཅོད་བྱས་ཕྱིན་ཁུལ་དེ་གར་ཉེན་ཟོན་སློབ་གསོ་ཐེབས་པ་དང་ས་ཁོངས་དེ་གར་བཅོས་སྐྱོང་གི་ཕན་འབྲས་ཐོན་པར་བྱེད་དགོས། “གནས་གཅིག་འགན་གཉིས”མཐའ་འཁྱོངས་བྱས་ཏེ་རང་ཉིད་དང་ནང་མིར་དོ་དམ་ཡག་པོ་བྱས་ནས་རང་རྟོགས་ངང་བྱ་ངན་སྤྱོད་ངན་གཏན་འགོག་བྱེད་དགོས།

（ཚེ་སྒྲོལ་གྱིས་བསྒྱུར། ཚེ་སྒྲོལ་དང་སྒྲོན་ལགས་ཀྱིས་ཞུས）