འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར། གསར་འགོད་པར་མཚོ་བོད་ཚོགས་པ་ཀུང་སི་ནས་ཤེས་རྟོགས་བྱུང་བར། 2025ལོར་མཚོ་བོད་ཚོགས་པ་ཀུང་སིས་དངོས་ཟོག་ཏུན་ཁྲི་3083.8དབོར་འདྲེན་བྱས་པ་དེ་དུས་མཚུངས་ལས་6%འཕར་ཡོད་པ་རེད།

གཙོ་གནད་ཁེ་ལས་དང་མཉམ་ལས་དམ་ཟབ་བྱ་ཆེད། མཚོ་བོད་ཚོགས་པ་ཀུང་སིས་རྐང་འཛིན་ཁེ་ལས་9དང་ཏུན་ཁྲི་1365ཟིན་པའི་ལྕགས་ལམ་སྐྱེལ་འདྲེན་སྤྱི་འབོར་མཉམ་འབྲེལ་འགན་ལེན་གྱི་གན་རྒྱ་དང་གྲོས་མཐུན་ཡི་གེ་བཞག་པས་དངོས་ཟོག་འབོར་ཆེན་སྐྱེལ་འདྲེན་བྱེད་ཚད་སྔར་བས་བརྟན་དུ་ཕྱིན་ཡོད། དེ་དང་ཆབས་ཅིག་ལོ་ཧྲིལ་པོར་སྐྱེལ་འདྲེན་འགན་ལེན་གྱི་ནུས་པ་ལེགས་སུ་གཏོང་བ་དང་། གསར་གཏོད་ཞབས་ཞུར་སྐུལ་འདེད་གཏོང་བ།

(པར་ངོས་གསུམ་པར་གཟིགས)(པར་ངོས་དང་པོར་མཐུད) སྐྱེལ་འདྲེན་ལས་གཉེར་གྱི་ལས་ཕྱོད་ཆེ་རུ་གཏོང་བ་སོགས་ཀྱི་བྱ་ཐབས་མང་པོ་སྤྱད་པ་བརྒྱུད། རིམ་རྩིས་བརྒྱབ་ན་ཐོན་སྐྱེད་དང་ཟོག་འགྲེམས་ཁེ་ལས་ཁག་གི་ཟོག་འགྲེམས་མ་གནས་སྒོར་དུང་ཕྱུར་2.38ཙམ་དམའ་རུ་ཕྱིན་ཡོད།

དུས་མཚུངས། “ལྕགས་ལམ་དང་མཚོ་ཐོག་སྦྲེལ་མཐུད་སྐྱེལ་འདྲེན”ལ་སྐུལ་འདེད་ཤུགས་ཆེན་བཏང་བས་ལྕགས་ལམ་དང་། མཚོ་ཐོག གཞུང་ལམ་བཅས་ཀྱི་སྐྱེལ་འདྲེན་མ་ལག་སྦྲེལ་མཐུད་ཐུབ་ཡོད། 2025ལོའི་ཟླ་6པར། “ལྕགས་ལམ་དང་མཚོ་ཐོག་སྦྲེལ་མཐུད་སྐྱེལ་འདྲེན”གྱི་བུལ་རྐྱང་དོས་སྒམ་ཆེད་གཏོང་མེ་འཁོར་གཏེར་ལེན་ཁ་འབབ་ཚུགས་ནས་སྐྱོད་འགོ་ཚུགས་པས། སྲོལ་རྒྱུན་སྐྱེལ་འདྲེན་གྱི་བརྒྱུད་རིམ་སྟབས་བདེ་རུ་ཕྱིན་པ་མ་ཟད། ཁེ་ལས་ཀྱི་ཟོག་འགྲེམས་མ་གནས་དམའ་རུ་གཏོང་བར་དེ་བས་རམ་འདེགས་ཐུབ་ཡོད།

ཟོག་འགྲེམས་ཀྱི་ལྟེ་བའི་བྱེད་ནུས་སྔར་བས་ཆེ་རུ་གཏོང་ཆེད། མཚོ་བོད་ཚོགས་པ་ཀུང་སིས་ཟི་ལིང་གི་ཧྲོང་ཀྲའེ་རུ་ལྕགས་ལམ་གྱི་རིམ་པ་གཉིས་པའི་ཟོག་འགྲེམས་རྟེན་གཞི་བསྐྲུན་ཞིང་། རྟེན་གཞི་དེའི་ལོར་མཁོ་ཆས་འདོན་འབེབ་བྱེད་ནུས་ཏུན་ཁྲི་300ནས་ཁྲི་500བར་འཕར་བ་དང་དངོས་ཟོག་གསོག་འཇོག་གི་རྒྱ་ཁྱོན་སྨི་ངོས་གྲུ་ཁྲི་10.4ཟིན་ནས་རླངས་འཁོར་396ཤོང་ཐུབ་པས། བསྡུ་འགྲེམས་ཐད་མཆོང་སྐྱོད་ལྟ་བུའི་འཕེལ་རྒྱས་ཕྱིན་ཡོད། རྟེན་གཞིས་ད་དུང་བོད་དུ་གཏོང་བའི་སྔོ་ཚལ་དང་། འོ་མ། འཁྱགས་ཤ་སོགས་འཚོ་བའི་དངོས་ཟོག་དབོར་ཏེ། བོད་ཀྱི་དམངས་འཚོའི་དགོས་མཁོར་འགན་ལེན་བྱས་ཡོད། （ཚེ་དབང་ལྷ་མོས་བསྒྱུར། པ་སངས་དང་ཚེ་ལྷས་ཞུས）