ཟླ་5ཚེས་31ཉིན། ཀྲུང་གོ་སུང་ཆིང་ལིང་ཐེབས་རྩ་ལྷན་ཚོགས་དང་། ཀྲུང་གོ་ཕན་བདེ་ཚོགས་པ། རྒྱལ་ཁབ་ཟློས་གར་ཁང་ཆེན་བཅས་ཀྱིས་ཐུན་མོང་ཐོག་གཙོ་གཉེར་བྱས་པའི་2025ལོའི“ང་དང་མེས་རྒྱལ་མཉམ་དུ་འཚར་ལོངས་བྱེད”དང“དྲུག་གཅིག”རྒྱལ་སྤྱིའི་བྱིས་པའི་དུས་ཆེན་གྱི་བརྗོད་དོན་གཙོ་བོའི་འཁྲབ་སྟོན་པེ་ཅིང་རྒྱལ་ཁབ་ཟློས་གར་ཁང་ཆེན་དུ་འཚོགས་པ་རེད། འཁྲབ་སྟོན་འདིར་ལེའུ་བཞི་ཡོད་པ་དང་། རྒྱལ་ཡོངས་ས་གནས་ཁག་ནས་ཡོང་བའི་གཞོན་ནུ་དང་ལོ་ཆུང་བྱིས་པ་སྟོང་ཕྲག་ལྷག་ཙམ་གྱིས་མཉམ་གཞས་དང་། གྱེར་འདོན། ཟློས་གར། ཞབས་བྲོ། རོལ་ཆ་དཀྲོལ་གཏོང་། དྲག་རྩལ། རྩལ་རྩེད། མངོན་མིན་རིག་གནས་ཤུལ་བཞག་སོགས་ཕུན་སུམ་ཚོགས་པའི་རྣམ་པ་དང་གསར་རྩོམ་ལེ་ཚན་སྒྲིག་འགོད་བྱས་པ་བརྒྱུད། དུས་རབས་གསར་པའི་ལོ་ཆུང་བྱིས་པའི་ཧུར་བརྩོན་ཡར་རྒྱས་དང་སྙིང་སྟོབས་ཆེར་སྐྱེད་ཀྱི་བསམ་པའི་ཉམས་འགྱུར་ཕྱོགས་ཡོངས་ནས་མངོན་པར་བྱས་ཡོད།