སྤྲིན་དཀར་དམར་འཁྲིཊ་པའི་ལྡིང་ཁང་ན། །
དུས་དཔྱིད་དཔལ་བསུ་བའི་བརྡ་གླུ་རུ། །
ལྷོ་གཡུ་འབྲུག་སྔོན་མོས་ངར་སྐད་བསྒྲཊ། །
ཆར་ཟིལ་མའི་ཆབ་རྒྱུན་ལྷོད་ཀྱིས་གཏོར། །
ཐང་ཆེན་པོ་གསེར་ལྡན་སྒེག་མོ་ན། །
དུས་དཔྱིད་དཔལ་བསུ་བའི་བརྡ་གླུ་རུ། །
མཛེས་མེ་ཏོག་ཞལ་ཁ་དལ་གྱིས་འབྱེད། །
རྩྭ་རྩི་ཤིང་གཉོམ་ལག་ངང་གིས་རྒྱས། །
ཆུ་གཙང་པོ་དར་ཁ་ལྷོད་དུས་ན། །
དུས་དཔྱིད་དཔལ་བསུ་བའི་བརྡ་གླུ་རུ། །
ཉ་གསེར་མིག་རྐྱལ་རྩལ་ངོམ་དུ་ཕེབས། །
ཆུ་ཆེན་པོའི་བཞུར་སྒྲ་སྔར་ལས་རྒོད། །
སྡེ་སྨུག་ཞགས་འཁྱིལ་བའི་ནང་རོལ་ན། །
དུས་དཔྱིད་དཔལ་བསུ་བའི་བརྡ་གླུ་རུ། །
ཞིང་
ས་བོན་བཏབ་ནས་ངལ་བ་བྱས། །
འབྲུ་སྣ་ལྔ་འཕེལ་བའི་སྟ་གོན་མཛད། །
སྦྲ་ནག་པོ་ཕུབ་པའི་འབྲོག་སྡེ་ན། །
དུས་དཔྱིད་དཔལ་བསུ་བའི་བརྡ་གླུ་རུ། །
ཆུང་བེའུས་ངུར་སྐད་ཐོག་མར་གྲགས། །
ནོར་འབྲི་གཡག་ཁུ་ལུ་དལ་གྱིས་འཐོར། །
དགུན་
རྒྱ་སྟག་རྒྱང་དུ་བཞུད་ནས་སོང་། །
དཔྱིད་
དཔལ་མོ་མདུན་གྱི་ལྗོངས་སུ་བྱོན། །
དགུན་ཟླ་བའི་ཁྲོད་ནས་སྨྲེང་ན་ཡང་། །
དཔྱིད་ཁྱོད་རང་དགའ་བས་བསུས་ནས་ཡོད། །
རྫ་ཁྲ་ཡག་རྫ་སྐེད་ནགས་ཀྱིས་བརྒྱན། །
ཤིང་ཙན་དན་ལོ་མ་དྲི་ཡིས་བྱུགས། །
དུས་དཔྱིད་དཔལ་བསུ་བའི་བརྡ་གླུ་འདི། །
ངག་སྙན་པའི་ཚིག་རྩལ་དབེན་རུང་ལེན། །