1970ལོའི་ཟླ་4ཚེས་24ཉིན། རང་རྒྱལ་གྱི་མིས་བཟོས་སའི་གོ་ལའི་སྲུང་སྐར་དང་པོ“ཤར་ཕྱོགས་དམར་ཨང་དང་པོ”ཅིའུ་ཆོན་སྲུང་སྐར་འཕེན་གཏོང་ལྟེ་གནས་ནས་བདེ་བླག་ངང་འཕེན་གཏོང་བྱས་པ་དེས་ཀྲུང་གོ་བས་འཇིག་རྟེན་ཁམས་ཀྱི་གསང་བ་འཚོལ་ཞིབ་བྱེད་པའི་རླབས་ཆེན་གྱི་རྒྱང་ལམ་ཕྱེ་ཡོད། ལོ་ལྔ་བཅུ་ང་ལྔ་སོང་རྗེས་ཀྱི་ཉིན་མོ་དེར“ཀྲུང་གོའི་འཇིག་རྟེན་འཕུར་སྐྱོད་ཉིན་མོ”ཐེངས་བཅུ་པ་དང་སྐབས་འཁེལ་བས། ལྷ་གྲུ་ཨང་ཉི་ཤུ་པའི་མི་བཞུགས་འཕུར་གྲུ་རྒྱང་སྐྱོད་ཨང་གཉིས་པའི་Fརྒྱང་ཚོར་སྐྱེལ་འདྲེན་མེ་ཤུགས་འཕུར་མདའི་འདེགས་སྐྱོར་འོག“སུམ་རྩེན་ཕོ་བྲང”དུ་བསྐྱོད་ཅིང་། སྦྲེལ་མཐུད་བདེ་བླག་བྱུང་རྗེས་ལྷ་གྲུ་ཨང་ཉི་ཤུ་པའི་འཇིག་རྟེན་འཕུར་སྐྱོད་པས་ལྷ་གྲུ་ཨང་བཅུ་དགུ་པའི་འཇིག་རྟེན་འཕུར་སྐྱོད་པ་དང་བར་སྣང་ས་ཚིགས་སུ་མཉམ་འཛོམས་བྱས་པ་རེད།