(པར་ངོས་དང་པོར་མཐུད) འཕྲལ་མྱུར་ཞིབ་བཤེར་བཅས་སྒྲིག་འཛུགས་ཀྱིས་གནས་གཏན་འཁེལ་གྱི་སྨན་རྫས་སྒྲིག་གཞིའི་རང་བཤེར་རང་བཅོས་ལ་དམ་འཛིན་ནན་པོ་བྱས་ཏེ། མགོ་སྐོར་ལ་ངོ་རྒོལ་གྱི་གྲངས་གཞི་ཆེན་པོའི་ཉེར་སྤྱོད་ལྟ་འདོམས་གང་ལེགས་སྤྱད་དེ་འགན་བཅོལ་གཡོ་བསླུའི་མཉམ་འབྲེལ་ཚོགས་འདུའི་ཁོངས་མིའི་ཚན་པར་མཉམ་དུ་རྡུང་རྡེག་གཏོང་བ་དང་འགན་བཅོལ་གཡོ་བསླུའི་བྱ་སྤྱོད་ལ་རྡུང་རྡེག་གནད་སྨིན་གཏོང་རྒྱུ་རེད།

ཤེས་རྟོགས་བྱུང་བར་གཞིགས་ན། 2024ལོར་ལྗོངས་ཡོངས་ཀྱི་སྨན་བཅོས་འགན་བཅོལ་སྡེ་ཚན་གྱིས་ཁྱོན་གནས་གཏན་འཁེལ་གྱི་སྨན་རྫས་སྒྲིག་གཞི་2483ལ་ཞིབ་བཤེར་བྱས་པ་དང་། སྨན་བཅོས་འགན་བཅོལ་གྱི་ཐེབས་རྩ་སྒྲིག་ཁྲིམས་ལས་འགལ་ཏེ་སྤྱོད་མཁན་གནས་གཏན་གྱི་འཁེལ་སྒྲིག་གཞི་1735ཐག་གཅོད་བྱས་པ། སྨན་བཅོས་འགན་བཅོལ་ཞབས་ཞུའི་ཚན་པ་47གནས་སྐབས་མཚམས་འཇོག་གམ་ཡང་ན་བཀག་པ། སྨན་བཅོས་འགན་བཅོལ་ཞབས་ཞུའི་གྲོས་མཐུན་33མེད་པར་བཟོས་པ། རིམ་རྩིས་བརྒྱབ་ན་སྨན་བཅོས་འགན་བཅོལ་གྱི་ཐེབས་རྩ་སྒོར་ཁྲི་8878.92ཕྱིར་བསྡུས་པ། སྲིད་འཛིན་ཆད་པ་སྒོར་ཁྲི་453.6བཅད་པ་བཅས་རེད། (བདེ་སྐྱིད་ཀྱིས་བསྒྱུར། པད་ཆོས་ཀྱིས་ཞུས)