འདི་ག་ཚགས་པར་ཁང་དུ་ལྷ་ས་ནས་ཟླ་3ཚེས་16ཉིན་གནས་ཚུལ་འབྱོར་གསལ། ཚེས་16ཉིན། ལྷ་ས་གྲོང་ཁྱེར་མལ་གྲོ་གུང་དཀར་རྫོང་གིས་2025ལོའི་ལོ་འཁོར་གྱི་དཔྱིད་རྨོད་དཔྱིད་གྲབས་ཀྱི་མཛད་སྒོ་འཚོགས་ནས་ལོ་འཁོར་མོའི་ཞིང་ལས་ཐོན་སྐྱེད་བྱེད་འགོ་ཚུགས།

ཤེས་རྟོགས་བྱུང་བར་གཞིགས་ན། 2024ལོར་མལ་གྲོ་གུང་དཀར་རྫོང་གི་འབྲུ་རིགས་ཐོན་འབབ་བསྡོམས་འབོར་ཏུན་ཁྲི་2.8ལས་བརྒལ་བ་དེ་དུས་མཚུངས་ལས་2.23%འཕར་ཡོད་པ་དང་། ཞིང་འབྲོག་པའི་ཡོང་འབབ་བརྟན་པོའི་ངང་འཕར་ནས་ལོ་གསུམ་བསྟུད་མར་གྲོང་ཁྱེར་རིམ་པའི་འབྲུ་རིགས་བདེ་འཇགས་ཐོན་སྐྱེད་ཀྱི་བྱ་དགའ་ཐོབ་པ་མ་ཟད། ཞིང་པའི་ཡོང་འབབ་ཀྱང་ཆེས་ཆེར་འཕར་ཡོད།