དཔེ་ཆ་ནི་བག་ལེབ་རེད།
གྲོད་ཁོག་ལྟོགས་པའི་སྐབས་སུ།
ངས་དཔེ་ཆ་བཀླགས་པ་ཡིན།
དཔེ་ཆ་ནི་བག་ལེབ་རེད།
དཔེ་ཆ་ནི་སྦྲང་དཀར་རྩམ་པ་རེད།
ཁ་སྐོམ་པའི་དུས་སུ།
ངས་དཔེ་ཆ་བཀླགས་པ་ཡིན།
དཔེ་ཆ་ནི་སྐོམ་སེལ་བདུད་རྩི་དང་འདྲ།
ཞིམ་མངར་འོ་མ་དང་འདྲ།
གནམ་ལ་འཕུར་འདོད་དུས་དང་།
དོག་མོ་ས་ལ་རྒྱུག་འདོད་དུས།
ངས་དཔེ་ཆ་བཀླགས་པ་ཡིན།
དཔེ་ཆ་ནི་འཕུར་བྱེད་གཤོག་པ་དང་འདྲ།
དཔེ་ཆ་ནི་འཕྲུལ་གྱི་རྟ་ཕོ་དང་འདྲ།
གལ་ཏེ་ཁྱེད་རང་ངོ་མཚར་ཆེ་བའི་ལྟད་མོ་ལྟ་འདོད་ཚེ།
མེ་ཏོག་དང་འདྲ་བའི་དཔེ་ཆ་ཀློགས་ཤིག
དཔེ་ཆ་ནི་མི་ཡུལ་གྱི་མེ་ལོང་རེད།
དཔེ་ཆ་ནི་འཇིག་རྟེན་གྱི་སྐར་ཁུང་རེད།
དཔེ་ཆ་ནི་ཡི་གེའི་གར་སྟབས་རེད།
གྲ་སྒྲིག
སྐྱ་ཀ་ཁྲ་
མོ་ཉིན་མཚན་མེད་པར།
ཚང་བཅའ་བའི་ལས་ལ་བརྩོན།
ངང་པའི་རྒྱལ་པོ་ཉིན་མཚན་མེད་པར།
ངང་ཕྲུ
ག་ལ་རྐྱལ་རྩལ་སློབ་པར་བྲེལ།
ཨ་མ་ལགས། ཁྱེད་རང་གིས་གྲ་སྒྲིག་ག་རེ་གནང་གི་ཡོད།
བུ་ཁྱོད་སློབ་གྲྭར་འགྲོ་དུས་གོན་བྱེད་ཀྱི།
སྲིང་བལ་གྱི་སྟོད་ཐུ
ང་དང་བལ་གྱི་རྐང་ཤུབས།
དགུན་ཁའི་ཞྭ་མོ་གྲ་སྒྲིག་བྱེད་ཀྱི་ཡོད།
ཨ་ཕས་ཀྱང་ང་ལ་བཟོ་ལྟ་དཔེ་གསར་གྱི་དཔེ་ཁུག་དང་།
ཀ་ཁའི་འབྲི་ཤོག་གྲ་སྒྲིག་བྱས་འདུག
གཅུང་པོ་ནི་འཁྱག་ཤུར་གློད་བྱེད་ཀྱི།
ལྕགས་ཀྱི་འཁོར་ལོ་དང་ཤེལ་གྱི་གཤོག་པ།
གློག་གི་སྐུད་པ་བཅས་གྲ་སྒྲིག་བྱེད་བཞིན་འདུག
ངས་གྲ་སྒྲིག་ག་རེ་བྱེད་དགོས་སམ།
མཚན་གང་བསམ་བློ་གཏོང་གིན་གཉིད་མ་ཁུག
རྨི་ལམ་དུ་ངས་སློབ
་གྲོགས་ཚོར།
བཟོ་ལྟ་སྣ་ཚོགས་ཡོད་པའི་སྒམ་ཆུང་རེ་སྤྲད།
རྨི་ལམ་དུ་ངས་རྒན་ལགས་ཚོར།
ཁ་དོག་སྣ་ཚོགས་ཡོད་པའི་མེ་ཏོག་རེ་ཕུལ།
བསམ་པ་བཟང་བའི་རླུང་བུ།
རླུང་བུ་ནི་གཤིས་ཀ
་ལེགས་པའི་སྒོ་ཁྱི་ཞིག་རེད།
ཕྲུ་གུ་ཞིག་གིས་དགའ་ཀྲོག་ཀྲོག་གིས་དེ་ལྟར་ལབ།
རྒྱུ་མཚན་ནི་ཁོའི་རླུང་འཁོར་རླུང་ལ་བརྟེན་ནས་འཁོར་བཞིན་འདུག
རླུང་བུ་ནི་བསམ་པ་ངན་པའི་ཆུ་སྲིན་ཞིག་རེད།
བྱིས་པ་ཞིག་གིས་ངུ་ཙིར་ཙིར་གྱི
ས་དེ་ལྟར་ལབ།
རྒྱུ་མཚན་ནི་ཁོའི་ཚོན་ཁྲ་ཅན་གྱི་ལྒང་བུ་རླུང་གིས་ནམ་མཁར་ཁྱེར་འདུག
རླུང་བུ་ནི་ཨ་མའི
་ཕྱག་ཟུང་དང་འདྲ།
མེ་ཏོག་དང་རྩི་ཤིང་གིས་དེ་ལྟར་ལབ།
རྒྱུ་མཚན་ནི་རླུང་བུ་ལྡང་དུས་ཁོ་ཚོས་སྐྱིད་པའི་བྲོ་གར་འཁྲབ་ཆོག
རླུང་བུ་ནི་གཤོག་པ་ཐོགས་པའི་མེ་འཁོར་དང་འདྲ།
སྤྲིན་དཀར་གྱི་འདབ་མས་དེ་ལྟར་ལབ།
རྒྱུ་མཚན་ནི་སྤྲིན་དཀར་གྱི་ཚོམ་བུས་རླུང་གི་རྟ་ཕོར་བཞོན་ཏེ།
འཛམ་གླིང་གི་ཡུལ་གྲུ་གང་སར་སྤྲོ་འཆམ་ལ་འགྲོ་ཆོག་པས་རེད།
འཛམ་བུ་གླིང་གི་ཨ་མ།
ལྷོ་འཛམ་བུ་གླིང་ལ་ཨ་མ་ཞིག་ཡོད།
རླབས་ཆེན་གྱི་ཨ་མ་ཁོང་གིས།
བུ་ཕྲུག་ཁྲི་
སྟོང་མང་པོ་གཉོར་སྐྱོང་གནང་ཡོད།
བུ་ཕྲུག་ཁག་གཅིག་རི་ཡི་ཁོག་དང་མཚོ་ཡི་ནང་དུ་ཡོད།
བུ་ཕྲུག་ཁག་གཅིག་ཨ་སྔོན་གནམ་དང་དོག་མོ་ས་རུ་ཡོད།
ཁག་གཅིག་ལ་རྐང་ལག་བརྒྱ་དང་སྤྱན་མིག་སྟོང་ཡོད།
ཁག་གཅིག་ལ་འཕུར་བྱེད་གཤོག་པ་དང་བགྲོད་བྱེད་རྐང་པ་ཡོད།
བར་སྣང་མཐོངས་སུ་འཕུར་ཤེས་པའི་གྲུ་གཟིངས་ཤིག་ཡོད།
གྲུ་གཟིངས་ནང་དུ་ང་ཚོ་དང་རི་རབ་ཀྱི་དཔུང་པ་མཉམ་དུ་ཡོད།
ང་ཚོ་དང་གཙང་ཆབ་ཀྱི་གླུ་སྐད་ལྷན་དུ་ཡོད།
ང་ཚོ་དང་ལྗོན་ཤིང་གི་ལག་པ་མཉམ་དུ་ཡོད།
ལྷོ་འཛམ་བུ་གླིང་
དུ་ཡིད་འོང་གི་གྲོང་ཚོ་ཞིག་ཡོད།
གྲོང་ཚོ་དེ་རུ
་ང་ཚོ་དང་སྟག་གཟིག་ཁྱིམ་མཚེས་ཡིན།
ང་ཚོ་དང་ཁྱུང་འབྲུག་ཕ་མེས་གཅིག་ཡིན།
ང་ཚོ་དང་ཤ་བ་ཡུ་མོ་གཉེན་ཉེ་ཡིན།
དབྱར་དགུན་སྟོན་དཔྱིད་ལ་མེ་ཏོག་རེ་རེ་འཁྲུངས་སྲིད།
དེ་ནི་འཛམ་གླིང་ཨ་མའི་འཁྲུངས་སྐར་ལ་ཕུལ་བའི་འཛུམ་ཆུང་རེ་རེ་ཡིན།
ཉིན་དང་མ
ཚན་ལ་གླུ་དབྱངས་རེ་རེ་གྲགས་འོང་།
དེ་ནི་འཛམ་གླིང་ཨ་མའི་ལང་ཚོའི་འགྱུར་ཁུག་རེ་རེ་ཡིན།