འབྱུང་བཞིའི་འཇིགས་པ་བཟློག་ཏུ་མེད་པས་ན། །

མ་བསམ་བཞིན་དུ་མགོ་ཐོག་བབས་གྱུར་ཅིང་། །

ཐེག་པར་དཀའ་ཡང་ལྡོག་མེད་ཁུར་དགོས་པས། །

བཟོད་བསྲན་སྙིང་རུས་སྐྱེད་ཅིག་དིང་རི་བ། །

གེགས་ཤུལ་སྤུན་ཟླ་བློ་ཕམ་མ་མཛོད་ཅིག །

དཀའ་ངལ་ཁྱད་བསད་བློ་སྟོབས་མ་ཉམས་ཤིག །

གསོན་པོ་རྣམས་ཀྱིས་སེམས་ཁྲལ་མ་གནང་ཞིག །

སྡུག་རུས་གནང་སྟེ་མགོ་བོ་དགྱེ་ཤོག་ཨང་། །

སྤྱི་ཁྱབ་ཧྲུའུ་ཅིའི་བྱམས་བརྩེའི་ཐུགས་ཁུར་ཡོད། །

རྒྱལ་ཁབ་ཆེན་པོའི་འཕྲལ་སྡོམ་རུ་ཁག་ཡོད། །

རང་སྐྱོང་ལྗོངས་ཀྱི་ཡང་དག་འགོ་ཁྲིད་ཡོད། །

ཕྱོགས་བཞིའི་སྤུན་ཟླའི་བརྩེ་སེམས་རོཊ་སྐྱོར་ཡོད། །

སྤྱི་ཚོགས་གཅེས་སེམས་ཚོཊ་པའི་སྐྱོར་རོགས་ཡོད། །

དྲ་ཐོག་མིང་ཅན་མང་པོའི་དོ་ཁུར་ཡོད། །

འཛུགས་སྐྲུན་ཀུང་སི་ཁག་གི་རྒྱབ་སྐྱོར་ཡོད། །

མི་རིགས་མང་པོའི་ཚོང་པའི་བརྩེ་སེམས་ཡོད། །

དགོན་སྡེ་ཁག་གི་གཅེས་སེམས་དྲོན་མོ་ཡོད། །

རྒྱ་ཆེའི་ཞིང་འབྲོག་དམངས་ཀྱི་སེམས་ཁུར་ཡོད། །

མདོར་ན་མེས་རྒྱལ་ཁྱིམ་ཚང་ཆེན་པོ་དང་། །

སྤུན་ཟླ་མི་རིཊ་མང་པོའི་རྒྱབ་སྐྱོར་དང་། །

སྤྱི་ཚོགས་ལས་རིགས་ཁག་གི་ལས་བྱེད་དང་། །

མང་ཚོགས་ཁྲི་སྟོང་མང་པོའི་སེམས་ཁུར་ཡོད། །

ཇོ་རིའི་འདབས་སུ་འཚོ་བའི་དིང་རི་བ། །

ཐུགས་སེམས་མ་སྐྱོ་རིག་པ་སྒྲིམས་ཤོག་ཨང་། །