རྒྱུན་གཏན་རང་བཞིན་དང་གཅིག་སྡུད་རང་བཞིན་ཟུང་འབྲེལ་གྱི་སྒྲིག་ཁྲིམས་སློབ་གསོའི་ལམ་སྲོལ་འཛུགས་དོན་གང་ཡིན་ནམ།
སྒྲིག་ཁྲིམས་སློབ་གསོར་མཐོང་ཆེན་བྱེད་པ་ནི་རང་རེའི་ཏང་གིས་རང་ངོས་འཛུགས་སྐྱོང་ལ་ཤུགས་སྣོན་རྒྱག་པའི་ཉམས་མྱོང་གལ་ཆེན་ཞིག་རེད།
སྒྲིག་ཁྲིམས་སློབ་གསོར་ཤུགས་སྣོན་རྒྱག་རྒྱུ་ནི་ཏང་ཡོན་གྱིས་ཏང་གཤིས་བློ་སྦྱོང་ཟབ་གཏོང་དང་། སྒྲིག་ཁྲིམས་ཀྱི་རང་རྟོགས་གོམས་པར་བྱེད་པའི་ཐབས་ལམ་གལ་ཆེན་ཞིག་རེད།
རྒྱུན་གཏན་རང་བཞིན་གྱི་སྒྲིག་ཁྲིམས་སློབ་གསོ་དང་གཅིག་སྡུད་རང་བཞིན་གྱི་སྒྲིག་ཁྲིམས་སློབ་གསོ་ཟུང་འབྲེལ་དམ་ཟབ་བྱས་ན་གཞི་ནས་ཆར་པ་ཆུ་གྲོགས་ལྟར་ཕན་འབྲས་བཟང་ཤོས་ཐོན་ཐུབ།
རྒྱུན་གཏན་རང་བཞིན་དང་གཅིག་སྡུད་རང་བཞིན་ཟུང་འབྲེལ་གྱི་སྒྲིག་ཁྲིམས་སློབ་གསོ་སྤེལ་བར་ངེས་པར་དུ་ལམ་ལུགས་ཀྱི་ལམ་སྲོལ་ལ་བརྟེན་ནས་འགན་སྲུང་དང་ཚད་ལྡན་དུ་གཏོང་དགོས།
སྐྱེ་ཁམས་ཤེས་དཔལ་སྒྲིག་སྲོལ་སྒྱུར་བཅོས་གཏིང་ཟབ་བྱེད་པར《གཏན་འབེབས》ནང་ཕྱོགས་གང་ཐད་ནས་བཀོད་སྒྲིག་བྱས་ཡོད་དམ།
ཀྲུང་གོའི་ལུགས་ཀྱི་དེང་རབས་ཅན་ནི་མི་དང་རང་བྱུང་ཁམས་ཞི་མཐུན་མཉམ་གནས་ཀྱི་དེང་རབས་ཅན་རེད། ངེས་པར་དུ་སྐྱེ་ཁམས་ཤེས་དཔལ་ལམ་ལུགས་མ་ལག་འཐུས་སྒོ་ཚང་དུ་བཏང་ནས་ཐཱན་ཉུང་གཏོང་དང་། སྦགས་བཙོག་ཉུང་འཕྲི། སྔོ་རྒྱ་ཆེར་གཏོང་། འཕར་སྣོན་བཅས་ལ་མཐུན་སྦྱོར་སྐུལ་འདེད་གཏོང་བ་དང་། གནམ་གཤིས་འགྱུར་ལྡོག་ལ་ཁ་གཏད་ཧུར་ཐག་བཅག་ནས་རི་སྔོན་ཆུ་དྭངས་གསེར་རི་དངུལ་རི་ལས་ལྷག་པའི་འདུ་ཤེས་དོན་འཁྱོལ་གྱི་སྒྲིག་སྲོལ་ལམ་སྲོལ་གང་མགྱོགས་འཐུས་སྒོ་ཚང་དུ་གཏོང་དགོས།
སྐྱེ་ཁམས་ཤེས་དཔལ་གྱི་རྨང་གཞིའི་སྒྲིག་སྲོལ་འཐུས་སྒོ་ཚང་དུ་གཏོང་དགོས།
སྐྱེ་ཁམས་ཁོར་ཡུག་བཅོས་སྐྱོང་མ་ལག་འཐུས་སྒོ་ཚང་དུ་གཏོང་དགོས།
ལྗང་མདོག་ཐཱན་ཉུང་གི་འཕེལ་རྒྱས་ལམ་སྲོལ་འཐུས་སྒོ་ཚང་དུ་གཏོང་དགོས།