ཧང་སར་ལྕགས་ལམ་སར་པི་ཡའི་རྣམ་གྲངས་པུའི་སྤྱི་ཁྱབ་བཟོ་བཀོད་པ་གཞོན་པ་ཏོན་ཝེ་2017ལོར་སར་པི་ཡར་སླེབས་པ་དང་ད་ལོ་ནི་ལོ་བརྒྱད་པ་རེད། ཁོང་གིས་ཀྲུང་གོ་དང་ཡོ་རོབ་དབུས་ཤར་གྱི་རྒྱལ་ཁབ་དབར“རྒྱུད་གཅིག་ལམ་གཅིག”མཉམ་སྐྲུན་བྱེད་པའི་མཚོན་རྟགས་རང་བཞིན་གྱི་རྣམ་གྲངས་དེའི་འཛུགས་སྐྲུན་གྱི་བརྒྱུད་རིམ་ལ་བདེན་དཔང་ཐུབ་པ་དང་ལྕགས་ལམ་སྒྱུར་བཀོད་ཚུད་པའི་ལྕགས་ལམ་འཛུགས་སྐྲུན་གྱི་ལྷུ་ཚིགས་མང་པོར་ཞུགས་མྱོང་ཡོད།

ལོ་བདུན་ལྷག་ཙམ་རིང་ཁོང་དང་ལས་རོགས་ཚོས་དཀའ་སྤྱད་ངལ་རྩོལ་བྱས་པར་སར་པི་ཡའི་ལས་རོགས་ཚོའི་ཁས་ལེན་ཐོབ་པ་མ་ཟད། ཡུལ་དེ་གའི་དམངས་ཚོགས་ཚོས་ཀྲུང་གོའི་ལྕགས་ལམ་འཛུགས་སྐྲུན་པར་རྒྱུས་མངའ་བྱུང་ཡོད། ཕྱི་རྒྱལ་དུ་སྡོད་པའི་ཉིན་མཚན་2500ལྷག་ཙམ་ནང་ཁོང་གིས་བྱ་སྤྱོད་དངོས་ལ་བརྟེན་ནས་ཀྲུང་གོའི་ལྕགས་ལམ་འཛུགས་སྐྲུན་པའི་འགན་འཁྲི་འཁུར་སེམས་ལག་ལེན་བསྟར་ཡོད།