※ རང་ཁ་སྦར་མོས་ཁེབས་ཀྱང་།

མི་ཁ་གནམ་གྱིས་མི་ཁེབས།

※ སོ་ནང་གི་སྲིན་འབུ། མིག་ནང་གི་ལིང་ཏོག

※ ཨ་ཕ་དབང་ཆ་ཆེ་ཡང་།

རྩམ་ཁུག་ཨ་མའི་ལག་ཏུ་ཡོད།

※ སྐབས་བབ་ཀྱི་གཏམ། དུས་བབ་ཀྱི་ཆར།

※ སོ་ནམ་མེད་ན་ལོ་ཏོག་དཀའ།

བརྩོན་འགྲུས་མེད་ན་དོན་འགྲུབ་དཀའ།

※ ཨ་སྔོན་གནམ་ལ་འདོམ་འཇལ།

དོག་མོ་ས་ལ་མཐོ་འཇལ།

※ འགྲོ་རོགས་གྲིབ་མ་ནག་རིལ།

ཉལ་རོགས་པུས་མོ་སྐྱ་རིལ།

※ གཏམ་བཤད་ན་ཆུ་བོ་འབབ་འབབ་རེད།

གླུ་བླངས་ན་ཅོ་ཀ་གྲག་གྲག་རེད།

※ ལྷ་རྣམ་སྲས་ཀྱི་བང་མཛོད་ལ།

འདྲེ་ཡི་དྭགས་ཀྱི་དཀོན་གཉེར།

※ གཏམ་འདོད་བོང་བུར་བཞོན་ནས།

རྐང་མཐིལ་ས་ལ་དྲུད་སོང་།

※ ལུང་ཆུང་ཇག་པས་ཁེངས་དུས།

ནོར་མེད་ཨ་ཇོའི་སྐྱིད་པ།