གློག་སྒུལ་རྐང་འཁོར་གྱི་བདེ་འཇགས་ཐད་ཀྱི་མངོན་མེད་རྐྱེན་ངན་ཁྱོན་ཡོངས་ནས་བཅོས་སྒྲིག་བྱེད་པའི་ལས་དོན་ལ་སྐུལ་འདེད་གཏིང་ཟབ་བཏང་སྟེ། གློག་སྒུལ་རྐང་འཁོར་གྱི་མེ་སྐྱོན་ཉེན་ཁའི་མངོན་མེད་རྐྱེན་ངན་དུས་ཐོག་ཏུ་སེལ་ཆེད། ཉིན་ཤས་བསྟུད་མར། ལྗོངས་ཡོངས་ཀྱི་ས་གནས་ཁག་གི་མེ་ཟོན་དང་། སྤྱི་བདེ། ཁྲོམ་ར་ལྟ་འདོམས། སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན་སོགས་སྡེ་ཚན་གྱིས་མཉམ་དུ་བྱ་སྤྱོད་སྤེལ་ནས་ཁྲིམས་ལས་འགལ་ཏེ་གློག་སྒུལ་རྐང་འཁོར་ལ་བཟོ་བཅོས་རྒྱག་པ་དང་། གང་བྱུང་དུ་འཇོག་པ། སྒྲིག་ཁྲིམས་འགལ་ཏེ་གློག་གསོག་པ་སོགས་ཀྱི་གནད་དོན་ལ་ཁྱོན་ཡོངས་ནས་གྲལ་བཤེར་དང་དུས་ཐོག་ཏུ་བཅོས་སྒྲིག་བྱས་པ་རེད།
དེ་དང་ཆབས་ཅིག མེ་ཟོན་དྲིལ་བསྒྲགས་པས་དང་བླངས་པ་དང་དྲ་མིག་པ་སོགས་དང་མཉམ་དུ་ཁྲོམ་གཞུང་དང་སྲང་ལམ་གང་སར་བསྐྱོད་དེ་སྒོ་བརྡུངས་ནས་དྲིལ་བསྒྲགས་སློབ་གསོ་སྤེལ་བ་མ་ཟད། ཁོངས་གཏོགས་ཁུལ་གྱི་ཁྲོམ་གཞུང་དང་། སྡེ་ཁུལ། ཁུལ་ཆུང་སོགས་སུ་གློག་སྒུལ་རྐང་འཁོར་གྱི་མེ་ཟོན་བདེ་འཇགས་ཀྱི“གཏན་འགོག་ལྔ་དང་ངེས་པར་དུ་བྱེད་དགོས་པ་ལྔའི”བསྲུང་བྱ་རྒྱ་ཁྱབ་སྦྱར་ནས། རྒྱ་ཆེའི་མང་ཚོགས་ལ་གློག་སྒུལ་རྐང་འཁོར་བེད་སྤྱོད་ཚད་ལྡན་བྱེད་པར་ཁྲིད་སྟོན་བྱས་པ་རེད།