ཉིན་ཤས་གོང་། ཀྲུང་གོ་རྒྱལ་སྤྱིའི་ནང་འདྲེན་དངོས་མང་སྟོན་ཚོགས་སྐབས་བདུན་པའི་བཟའ་བཅའ་དང་། ཞིང་ཞོར་ཐོན་རྫས། སྨན་བཅོས་ཡོ་བྱད། སྨན་རྫས་འཕྲོད་སྦྱོར་བཅས་འགྲེམས་ཁུལ་གྱི་འགྲེམས་སྟོན་གོང་གི་མཁོ་སྤྲོད་འབྲེལ་མཐུད་ཚོགས་འདུ་རྒྱལ་ཁབ་ཚོགས་འགྲེམས་ལྟེ་གནས（ཧྲང་ཧའེ）རུ་འཚོགས་ཡོད། ནང་འདྲེན་དངོས་མང་སྟོན་ཚོགས་སྐབས་བདུན་པ་2024ལོའི་ཟླ་11ཚེས་5ནས་10ཉིན་བར་གཉེར་རྒྱུ་ཡིན་པ་དང་མིག་སྔར་གྲ་སྒྲིག་ལས་དོན་ཁག་ལ་སྐུལ་འདེད་བརྟན་པོ་གཏོང་བཞིན་ཡོད་པ་རེད།