དཔལ་ལྡན་ལྷུན་གྲུབ།
རབ་དཀར་གངས་རིའི་ཕྲེང་བས་ཡོངས་སུ་བསྐོར། །
ཆུ་འཛིན་དཀར་པོའི་མེ་ཏོག་རྣམ་པར་བཀྲ །
རི་མཐོ་ས་གཙང་ཡུལ་འདིའི་དཔལ་ཡོན་འབུམ། །
འཛམ་གླིང་འཛིན་མའི་ལྟོ་བར་ལྷམ་མེར་བཞད། །
ཡང་དག་རླབས་ཆེན་ཏ
ང་གི་སྲིད་བཟང་གི །
ཡང་དག་དགོངས་པའི་ཕྱོགས་སྟོན་འཁོར་ལོ་ཡིས། །
ཡང་དག་བོད་ལྗོངས་འཛིན་མའི་པང་ཁ་ལ། །
ཡང་དག་དམངས་འཚོའི་བདེ་སྐྱིད་མེ་ཏོག་བཞད། །
ལྷག་དོན་རླབས་ཆེན་གཙོ་འཛིན་ཉིན་བྱེད་འཛུམ། །
འཛུམ་ཕྲེང་གཟི་འོད་བོད་ལྗོ
ངས་ས་མཐོར་འཕྲོས། །
འཕྲོས་པའི་མོད་ལ་དམངས་འཚོའི་མེ་ཏོག་གང་། །
གང་འདོད་མཐུན་འབྱོར་འདབ་ལོ་བསྙིལ་འདི་རྨད། །
དུས་རབས་གསར་པའི་རླབས་
ཆེན་བསྐྱར་དར་གྱི། །
དུས་ཀྱི་ཟླ་བའི་ཞལ་དཀྱིལ་ས་མཐོར་འཛུམ། །
རི་སྔོན་ཆུ་དྭངས་དགོངས་པའི་
སྦྲང་ཆར་ལས། །
གསེར་རི་དངུལ་རིའི་ཟེའུ་འབྲུ་སྨིན་འདི་རྨད། །
བདེ་ཁོད་སྙོམ་པའི་སྣུམ་ནག་གཞུང་ལམ་ནི། །
མི་རིགས་ཕན་ཚུན་འབྲེལ་བའི་གསེར་ཟམ་འདྲ། །
ཕྱི་མཛེས་ནང་སྐྱིད་ཐོག་བརྩེགས་ཁང་བཟང་ནང་། །
དམངས་སེམས་མྱོས་པའི་དགོད་སྒྲ་མཚམས་མི་ཆད། །
ལོ་ཟླའི་ཁུར་གྱིས་ལྗིད་པའི་རྒན་རྒོན་ཚོར། །
སྣ་མང་རོགས་དངུལ་སྤྲོད་པའི་སྲིད་བཟང་ལས། །
ཚེ་མཇུག་དགའ་མགུའི་དཔལ་ལ་རོལ་སྐལ་བྱུང་། །
རླབས་ཆེན་གཙོ་འཛིན་དགོངས་པ་བླ་ན་འཕགས། །
གངས་རིའི་ལྗོངས་སུ་སློབ་གསོའི་ཉིན་བྱེད་ཀྱི། །
འགན་གསུམ་འོད་སྣང་འབར་བའི་གཟི་བྱིན་ལས། །
བྱང་ཚད་པད་མ་བཞད་པའི་ལྡུམ་ར་ཡི། །
རྐང་དྲུ
ག་བུང་བ་གཞོན་ནུ་ཨེ་མ་སྐྱིད། །
འཚོ་བའི་འདྲེན་བྱེད་ཟུམ་པའི་གང་ཟག་ལ། །
ཕྱར་བ་གྲུ་འདེགས་རོགས་རམ་གནང་མཁན་ཡོད། །
དབུལ་སྒྲོལ་ཕྱུག་འགྱུར་སྲིད་བཟང་བཀའ་དྲིན་གྱིས། །
ང་ཚོའི་འབྱོར་འབྲིང་འཚོ་བར་འཇའ་གུར་ཕུབ། །
ཏང་གི་ཡང་དག་དགོངས་པའི་མཁའ་ལམ་ནས། །
བབས་པའི་རྨད་བྱུང་མཛད་ཕྱོགས་ཆར་རྒྱུན་གྱིས། །
གངས་ལྗོངས་འཛིན་མའི་སྟོད་སྨད་བར་གསུམ་ལ
། །
མཐུན་སྒྲིལ་བདེ་སྐྱིད་དཔག་བསམ་ལྗོན་པ་འཁྲུངས། །
ཤར་རིའི་སྤོ་ནས་ཉིན་བྱེད་ཞལ་རས་འཛུམ། །
རླབས་ཆེན་གཙོ་འཛིན་གངས་ལྗོངས་ཡུལ་དུ་བྱོན། །
བྱམས་བརྩེའི་ཐུགས་ཁུར་ཟབ་མོའི་གཟི་བྱིན་གྱིས། །
ས་མཐོའི་སྐྱེ་འགྲོའི་ཚོགས་ལ་དྲོད་ཁོལ་བསྩལ། །