ཕག་རི་ཕག་རི་མ་གསུངས། །

ལྷོ་འབྲས་ཟ་འདོད་ལངས་བྱུང་། །

ཕག་རིའི་གནས་མོ་ཨོ་ཤེ །

གཤོར་ཁ་མཐོ་ཙམ་རྒྱག་རོགས། །

ཕག་རི་བསམས་ནས་མ་ཡོང་། །

ཇོ་མོ་བསམས་ནས་ཡོང་ཡོད། །

བདག་ལ་ཨ་མ་ཇོ་མོས། །

ལུང་བསྟན་གནང་རོགས་གནང་དང་། །

དབྱར་ཁ་སྤང་ལྗོངས་སྐྱིད་པ། །

ཕག་རི་ཉོས་ན་བསམས་བྱུང་། །

དགུན་ཁ་གངས་ལྷགས་སྡང་བ། །

ཕག་རི་བཙོངས་ན་བསམས་བྱུང་། །

ཕག་རི་སྤང་རྩྭ་ཡག་ལ། །

འབྲི་གཡག་ཤ་ཤེད་བཟང་བ། །

འབྲོག་མོ་ཟླ་བ་གཡང་འཛོམས། །

དཀར་ཆུའི་ལས་ལ་འཇོན་པ། །

ཕག་རིར་ཡོང་འབབ་མཐོ་བ། །

མི་ཚེ་སྐྱེལ་སའི་གནས་རེད། །

ཨོ་ལོ་པ་སྣམ་གཞུང་དུ། །

ཆང་ས་རྒྱག་པ་སྔ་སོང་། །

དབྱར་གསུམ་ཕག་རིའི་གཞུང་དུ། །

ཨར་པོ་བརྒྱབ་ནས་བསྡད་ཡོད། །

ནམ་གཞུག་སྟོན་ཁ་ཟིན་སོང་། །

ལོ་ཏོག་བརྔ་ལ་རན་སོང་། །

ལག་ཐོགས་ཁ་པར་ནང་ནས། །

མཛའ་མོས་ལོག་ཤོག་ཟེར་གྱིས། །

ཕག་རི་ག་ལེར་བཞུགས་རོགས། །

དུས་སང་དཔྱིད་ཀ་མཇལ་ཡོང་། །