སེམས་གཙང་ལུས་གཙང་མི་ཡི་རྒྱན་ཆ་ཡིན། །

ཡ་རབས་གཤིས་བཟང་ནང་གི་ཡོན་ཏན་ཡིན། །

དེ་དག་འཛོམས་པའི་མི་ཞིག་འཕྲད་གྱུར་ན། །

དེ་དང་ང་ཡིས་གྲོགས་པོ་སྒྲིག་བདེན་ཡིན། །

སྤྲེལ་ལད་བསྔགས་བརྗོད་ཤོག་བུའི་ཕྲ་རྒྱན་དང་། །

ངོ་དགའ་གཡོ་རྫུན་གཞན་སེམས་དཀྲུགས་པའི་རྒྱུ། །

དེ་དག་བྲལ་བའི་མི་ཞིག་འཕྲད་གྱུར་ན། །

དེ་དང་ང་ཡིས་གྲོགས་པོ་སྒྲིག་བདེན་ཡིན། །

ཁ་ཁོག་མཚུངས་ཤིང་ལྕེ་གཉིས་རང་བཞིན་མེད། །

རྒྱབ་མདུན་མེད་པར་རྣམ་པ་གཅིག་ཡིན་པ། །

ཁ་ཞེ་གཉིས་མེད་མི་ཞིག་འཕྲད་གྱུར་ན། །

དེ་དང་ང་ཡིས་གྲོགས་པོ་སྒྲིག་བདེན་ཡིན། །

ཕྱི་གཟུཌ་མེད་ཀྱང་ལྷག་བསམ་དུང་ལས་དཀར

། །

རྒྱུ་ཡིས་དབུལ་ཀྱང་འབད་འཐབ་སྙིང་རུས་ཅན། །

ལས་འབྲས་མི་རྙོག་གཤིབ་ཡུན་རིང་གྱུར་ན། །

དེ་དང་ང་ཡིས་གྲོགས་པོ་སྒྲིག་བདེན་ཡིན། །

མགོ་བདེ་དྲན་འཕྲུལ་མེད་པའི་སྤྱོད་གཙང་ཞིག །

དྲང་བདེན་གཙུག་ཏུ་བཀུར་བའི་ཡ་རབས་ཤིག །

ཚུལ་མཐུན་སྲོལ་ལ་དགའ་མཁན་འཕྲད་གྱུར་ན། །

དེ་དང་ང་ཡིས་གྲོགས་པོ་སྒྲིག་བདེན་ཡིན། །

རིག་པའི་གནས་ལ་རྩེད་དགར་རོལ་མཁན་དང་། །

རང་ལས་གཞན་གཅེས་བསམ་པའི་རྒྱུད་བཟང་བ། །

བྱམས་བརྩེའི་རིན་ཐང་ཤེས་མཁན་ཐུག་གྱུར་ན། །

དེ་དང་ང་ཡིས་གྲོགས་པོ་སྒྲིག་བདེན་ཡིན། །

འགྱུར་མེད་རང་གཤིས་བརྟན་ལ་ཕྱི་ཐག་རིང་། །

ཡུན་རིང་འགྲོཌ་ཚེ་འཛུམ་མདངས་ཆེར་རྒྱས་པ། །

སེམས་ལ་དགའ་མགུ་སྟེར་མཁན་གྲོཌ་མཆོག་འདི། །

དགོས་འདོད་སྐོང་བའི་ཡིད་བཞིན་ནོར་དང་མཚུངས། །