ཉེ་ཆར་བོད་སྐྱོར་བྱེད་མཁན་ཐེན་ཅིན་གྱི་ལས་དོན་རུ་ཁག་གོ་འཇོ་རྫོང་བུ་བཅོལ་ཁང་གཉིས་པར་ཡོང་ནས“གཅེས་སེམས་རྒྱུན་མཐུད། བྱིས་པར་དྲོ་སྐྱིད་སྦྱིན”པའི་དངོས་ཟོག་ཞལ་འདེབས་འབུལ་བའི་བྱེད་སྒོ་སྤེལ་བ་རེད། བྱེད་སྒོའི་ནང་ལས་དོན་རུ་ཁག་གི་རུ་མིས་ཐེན་ཅིན་གྲོང་ཁྱེར་ཉིང་ཧོ་ཆུས་གཅེས་སེམས་ཁེ་ལས་ཀྱིས་ཞལ་འདེབས་ཕུལ་བའི་སྒོར་ཁྲི་10རི་བའི་ཉལ་ཆས་དང་། སྔས་མགོ དེབ་སོགས་དངོས་རྫས་བུ་བཅོལ་ཁང་གི་ཕྲུ་གུར་སྤྲད་ནས་ཕྲུ་གུ་ཚོར་སློབ་སྦྱོང་ཡག་པོ་བྱས་ནས་འཚར་ལོངས་ཡག་པོ་ཡོང་བའི་ལྕག་སྐུལ་བྱས་ཡོད། འདི་ནི་བོད་སྐྱོར་བྱེད་མཁན་ཐེན་ཅིན་ལས་དོན་རུ་ཁག་གི་རུ་མིས་བུ་བཅོལ་ཁང་གི་བྱིས་པར་དེབ་སྤྲོད་བཞིན་པ།