ཉེ་ཆར། ལྷ་ས་གྲོང་ཁྱེར་མལ་གྲོ་གུང་དཀར་རྫོང་མི་སྤྱི་ཅུས་ཀྱིས་བོད་ལྗོངས་རུམ་རྩེ་ཐེན་ཞང་ལས་རིགས་རྩལ་ནུས་གསོ་སྦྱོང་སློབ་གྲྭ་དང་མཉམ་དུ་རྩ་ཞོལ་ཤང་མི་ལོག་གྲོང་ཚོར་དུས་ཡུན་ཉིན་60ཡི་བུད་མེད་ཀྱི་བསླས་འཐག་རྩལ་ནུས་གསོ་སྦྱོང་བྱས་པར་གྲོང་ཚོ་ཡོངས་ཀྱི་གཞོན་ནུ་བུད་མེད་30ལྷག་ཙམ་ཞུགས་ཡོད་པ་རེད།

“ང་ཚོ་གྲོང་ཚོར་བསྐྱོད་དེ་གསོ་སྦྱོང་བྱེད་པའི་དམིགས་ཡུལ་ནི་བུད་མེད་ཀྱི་ལས་ཞུགས་རྩལ་ནུས་མཐོ་རུ་བཏང་ནས་ཁོང་ཚོའི་ལས་ཞུགས་ལས་གཏོད་དང་འབབ་འཕར་ཕྱུག་འགྱུར་གྱི་ཐབས་ལམ་རྒྱ་ཆེར་གཏོང་ཆེད་ཡིན”ཞེས་མལ་གྲོ་གུང་དཀར་རྫོང་མི་སྤྱི་ཅུས་ཀྱི་འབྲེལ་ཡོད་འགན་འཁུར་བས་དེ་ལྟར་བཤད། ཁྱིམ་དུ་བུ་ཕྲུག་5ཡོད་པ་དང་ད་ལོ་ལོ་38ལ་སླེབས་པའི་གསོ་སྦྱོང་ལ་ཞུགས་མཁན་བྱམས་སྒྲོན་གྱིས“ད་ཐེངས་ཀྱི་གསོ་སྦྱོང་ང་ཚོ་མང་ཚོགས་དང་འབྲེལ་འདྲིས་དམ་ཟབ་ཡོད་པ་མ་ཟད། ང་ཚོ་བུད་མེད་ཚོར་ཕན་ཚུན་སློབ་སྦྱོང་དང་སྤེལ་རེས་བྱེད་པའི་ལས་སྟེགས་ཤིག་བསྐྲུན་འདུག ང་ཚོ་གྲོང་ཚོའི་བུད་མེད་ལ་མཚོན་ན། ཕྱིར་ལས་ཀར་འགྲོ་ལོང་མེད། བསླས་འཐག་ནི་ཁྱིམ་དུ་བསྡད་ནས་ཡོང་འབབ་འཚོལ་ཐབས་ཡག་པོ་ཞིག་རེད། ཏང་དང་སྲིད་གཞུང་གིས་ང་ཚོར་བསླས་འཐག་སྦྱོང་བའི་གོ་སྐབས་སྤྲད་པར་ཐུགས་རྗེ་ཆེ་ཞུ་རྒྱུ་ཡིན”ཞེས་བཤད།