འདི་ག་ཚགས་པར་ཁང་དུ་རྩེད་ཐང་ནས་གློག་འཕྲིན་འབྱོར་གསལ། ཉེ་བའི་ལོ་ཤས་རིང་། ལྷོ་ཁ་གྲོང་ཁྱེར་ཟངས་རི་རྫོང་གིས་དོན་དངོས་ལ་གཞི་ཚུགས་ནས་གྲོང་ཁྱེར་ཡོངས་ཀྱི་སྔོན་ལ་རྫིང་ཕྱི་ཤང་འོལ་ཁ་ཆུ་ཚན་ཡུལ་སྐོར་ཐོན་ལས་ཀྱི་གྲོང་འབྲེལ་ཏང་ཨུད་བཙུགས་ཏེ་གྲོང་འབྲེལ་ཏང་ཨུད་ཀྱི་ལས་དོན་ཚོད་ལྟའི་ངང་སྤེལ་ནས་ཆུ་ཚན་ཡུལ་སྐོར་ཐོན་ལས་འཕེལ་རྒྱས་དེ“ཁེར་རྐྱང་འབད་འཐབ”བྱེད་པ་ནས“མཉམ་དུ་འཕེལ་རྒྱས་གཏོང་བར”བསྒྱུར་རྒྱུར་སྐུལ་འདེད་བཏང་བས། རྫོང་ཡོངས་ཀྱི་ཐོན་ལས་འཁོར་འབྲེལ་གྱི་ཏང་འཛུགས་སྐྱོང་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་ཡོད།

ཐོན་ཁུངས་སྔར་བས་བསྡུ་སྒྲིལ་དང་། ཕྱོགས་ཁག་གི་སྟོབས་ཤུགས་གཅིག་སྡུད། ལས་ཀའི་དཀའ་གནད་སེལ་བ། མཉམ་འབྲེལ་འཕེལ་རྒྱས་མངོན་འགྱུར་བཅས་བྱ་ཆེད། ཟངས་རི་རྫོང་ཨུད་ཀྱི་ལས་འགན་ཁག་བགོས་འགོ་ཁྲིད་ཀྱིས་འབྲེལ་ཡོད་འགན་ནུས་སྡེ་ཚན་གྱི་འགན་འཁུར་བ་སྒྲིག་འཛུགས་བྱས་ནས་རྫིང་ཕྱི་ཤང་གི་ཞོལ་པ་གྲོང་ཚོ་དང་། མཁར་སྣ་གྲོང་ཚོ། ཚོད་པ་གྲོང་ཚོ། བསྐྲབ་པ་གྲོང་ཚོ་བཅས་གྲོང་ཚོ་4ལ་ཆེད་དོན་བརྟག་ཞིབ་ཐེངས་མང་བྱས་པ་དང་།

(པར་ངོས་གཉིས་པར་གཟིགས)(པར་ངོས་དང་པོར་མཐུད) བརྟག་དཔྱད་དང་རིགས་པས་ཁུངས་སྐྱེལ་གང་ལེགས་བྱས་པའི་རྨང་གཞིའི་ཐོག རྫིང་ཕྱི་ཤང་ཞོལ་པ་གྲོང་ཚོ་སོགས་གྲོང་ཚོ་4དང་དེ་བཞིན་ཟངས་རི་རྫོང་དུས་བདེ་འཛུགས་སྐྲུན་ཚད་ཡོད་ཀུང་སི་མཉམ་འབྲེལ་འཛུགས་སྐྲུན་ཚན་པར་བྱས་ནས། རྫིང་ཕྱི་ཤང་འོལ་ཁ་ཆུ་ཚན་ཡུལ་སྐོར་ཐོན་ལས་གྲོང་ཚོ་མཉམ་འབྲེལ་ཏང་ཨུད་བཙུགས་པ་རེད། མཉམ་འབྲེལ་འཛུགས་སྐྲུན་ཚན་པ་ཁག་གི་ཏང་རྩ་འཛུགས་ཀྱིས“གྲོང་ཚོ་མཉམ་འབྲེལ་ཏང་ཨུད”དེ་གཞི་རིམ་ཏང་འཛུགས་སྐྱོང་གི་ལས་དོན་དོན་འཁྱོལ་ཞིབ་ཕྲ་དང་ཏན་ཏིག་བྱེད་པའི་གཙོ་གནད་དང་དམ་འཛིན་བྱ་གཞི་གཙོ་བོར་བརྩིས་ནས་གྲོང་ཚོ་མཉམ་འབྲེལ་ཏང་རྩ་འཛུགས་ཀྱི་ཚན་ཁག་ལ་མཉམ་དུ་གསོ་སྦྱོང་དང་། རྗེས་གྲབས་ལས་བྱེད་པ་མཉམ་དུ་གསོ་སྐྱོང་། ཏང་ཡོན་དང་མང་ཚོགས་ལ་མཉམ་དུ་དོ་དམ་བཅས་ཀྱི་ལམ་སྲོལ་བཙུགས་པ་བརྒྱུད་རྩ་འཛུགས་གཞི་གཅིག་ཅན་འཛུགས་སྐྱོང་དང་། ཐོན་ལས་གཞི་གཅིག་ཅན་འཕེལ་རྒྱས། ཡུག་ཁུལ་གཞི་གཅིག་ཅན་བཀོད་སྒྲིག་བཅས་མངོན་འགྱུར་བྱས་ཏེ། རྩ་འཛུགས་དར་རྒྱས་ཀྱི་ནུས་པར་བརྟེན་ནས་ཆུ་ཚན་ཡུལ་སྐོར་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་ཏན་ཏིག་བྱས་ཡོད།

“ཐོན་ལས་འཁོར་འབྲེལ་དུ་ཏང་ཨུད་འཛུགས་པའི”ཐབས་མཆོག་དེ་ལས“1+1>2”ཀྱི་ནུས་པ་རྒྱུན་ཆད་མེད་པར་ཐོན་བཞིན་ཡོད། ཟངས་རི་རྫོང་རྫིང་ཕྱི་ཤང་འོལ་ཁ་ཆུ་ཚན་ཡུལ་སྐོར་ཐོན་ལས་གྲོང་ཚོ་མཉམ་འབྲེལ་ཏང་ཨུད་ཀྱིས་ཆུ་ཚན་ཡུལ་སྐོར་ཐོན་ལས་རྒྱ་སྟོབས་ཆེ་རུ་གཏོང་བ་གཙོ་རྐང་དུ་འཛིན་རྒྱུ་མཐའ་འཁྱོངས་བྱས་ཏེ་ཞོལ་པ་དང་། མཁར་སྣ། ཚོད་པ་བཅས་གྲོང་ཚོ་གསུམ་གྱི་ཆུ་ཚན་དང་བཟའ་བཏུང་ཐོན་ལས་འཕེལ་རྒྱས་སྤྱི་འདོམས་སུ་བྱས་ནས་གྲོང་ཚོ་མཉམ་འབྲེལ་ཏང་ཨུད་ཀྱིས་སྣེ་ཁྲིད་ལ་ཤུགས་རྒྱག་པ་དང་དཔུང་སྒྲིལ་འཕེལ་རྒྱས་ཀྱིས་ཐུན་མོང་འབྱོར་ཕྱུག་ལ་སྐུལ་འདེད་གཏོང་བའི་ལམ་བུ་གསར་པ་ཞིག་ཏན་ཏིག་བཏོད་ཡོད། གྲོང་ཚོ་མཉམ་འབྲེལ་ཏང་ཨུད་བཙུགས་པ་ནས་བཟུང་། མཉམ་འབྲེལ་འཛུགས་སྐྲུན་གྲོང་ཚོ་ཁག་གི་མཉམ་སྡེབ་དཔལ་འབྱོར་གྱི་ལོ་རེའི་སྤྱིའི་ཡོང་འབབ་2022ལོའི་སྒོར་ཁྲི་439ནས་2023ལོའི་སྒོར་ཁྲི་605བར་མང་དུ་ཕྱིན་པ་དང་། ཁྱོན་མང་ཚོགས་520ལྷག་ཙམ་ལས་ཞུགས་དང་འབབ་འཕར་ཡོང་བར་སྐུལ་ཁྲིད་ཐུབ་ཡོད།

（སྐལ་མཆོག་གིས་བསྒྱུར། ཚེ་བརྟན་སྒྲོལ་དཀར་གྱིས་ཞུས）