ཉེ་བའི་ལོ་ཤས་རིང་། བོད་ལྗོངས་སྦྲག་སྲིད་ཀྱིས་བརྗོད་དོན་གཙོ་བོའི་སྦྲག་ཁང་དེ་དམངས་བདེ་དམངས་ཕན་གྱི་མི་སེར་གྱི་ས་ཚིགས་དང་། བོད་ཀྱི་སྦྲག་སྲིད་རིག་གནས་ཁྱབ་སྤེལ་ལས་སྟེགས། བོད་ཀྱི་ཡུལ་སྐོར་དྲིལ་བསྒྲགས་ཕོ་ཉ་བཅས་སུ་གཏོད་པའི་ལས་ཀའི་དམིགས་ཚད་ལ་གཞིགས་ནས“མཁའ་དབྱིངས་བོད་ལྗོངས”ཀྱི་བརྗོད་དོན་གཙོ་བོའི་སྦྲག་ཁང་རབ་དང་རིམ་པ་འཛུགས་པ་དང་གཉེར་སྐྱོང་བྱེད་པར་སྐུལ་འདེད་ཧུར་ཐག་བཏང་ཡོད།
འདི་ནི་ཡུལ་སྐོར་བས“མཁའ་དབྱིངས་བོད་ལྗོངས”ཞེས་པའི་བརྗོད་དོན་གཙོ་བོའི་སྦྲག་ཁང་གི་ཕོ་བྲང་པོ་ཏ་ལའི་ཚོང་ཁང་ནས་ཡིག་ལྐོགས་མེད་པའི་འཕྲིན་ཡིག་འདེམས་ཉོ་བྱེད་བཞིན་པ།
འདི་ནི“མཁའ་དབྱིངས་བོད་ལྗོངས”ཞེས་པའི་བརྗོད་དོན་གཙོ་བོའི་སྦྲག་ཁང་གི་ཕོ་བྲང་པོ་ཏ་ལའི་ཚོང་ཁང་དུ་ཡུལ་སྐོར་བས་ཡིག་ལྐོགས་མེད་པའི་འཕྲིན་ཡིག་ལ་དྲན་གསོའི་སྦྲག་ཐམ་རྒྱག་བཞིན་པ།