འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྒྲིག་ཆེན་པོའི་བྱ་སྤྱོད་སྤེལ་ཚུན། ཁྲེང་ཀོན་ཆུས་ཀྱིས་གྲོང་ཁྱེར་དང་གྲོང་གསེབ་ཀྱི་ཁོར་ཡུག་གི་སྤུས་ཚད་མཐོ་རུ་གཏོང་བ་ལས་ཀའི་དམིགས་ཚད་གལ་ཆེན་དུ་བརྩིས་ནས་ལས་དོན་སྤེལ་ཤུགས་མུ་མཐུད་ཆེ་རུ་བཏང་བ་དང་། གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྒྲིག་ཆེན་པོའི་བྱ་སྤྱོད་གཏིང་ཟབ་དང་ཏན་ཏིག་ངང་སྤེལ་ནས་ཕན་འབྲས་ཐོན་རྒྱུར་སྐུལ་འདེད་བཏང་བས་མི་རིགས་ཁག་གི་མང་ཚོགས་ཀྱི་ཐོབ་ཚོར་དང་། སྐྱིད་སྣང་། བདེ་འཇགས་ཚོར་སེམས་སྔར་བས་ཆེ་རུ་ཕྱིན་པ་རེད།

ཉིན་ཤས་གོང་ཁྲེང་ཀོན་ཆུས་ཀྱི་ཁྲོམ་གཞུང་ཁག་གིས་ཁྱོན་མི་1229བཏང་བ་དང་། མཉམ་སྡོད་མཉམ་སྐྲུན་ཚན་པ་5དང་མི་1སྐུལ་སློང་བྱས་ཏེ་ཁོངས་གཏོགས་ཁུལ་གྱི་ཆུ་འགྲོའི་ཁེབས་གཅོད་4བརྗེས་པ་དང་། བརྡ་ཁྱབ་བྱང་བུ་5བཤིག་པ། དྲིལ་བསྒྲགས་བྱེད་ས་2བཤིག་པ། གང་བྱུང་དུ་ཁྲིད་པའི་གློག་སྐུད་21བཅོས་སྒྲིག ལམ་བཟུང་ཚོང་གཉེར་བྱེད་མཁན་334བཅོས་སྒྲིག ཁྲོམ་གཞུང་དང་ས་སྟོང་གི་གད་སྙིགས་ཏུན་20.6གཙང་སེལ། ཁུལ་ཆུང་གི་གད་སྙིགས་ཏུན་5.7གཙང་སེལ། ཆུ་ཡུར་ནང་གི་གད་སྙིགས་ཏུན་11.1གཙང་སེལ། བརྡ་ཁྱབ་ཆུང་གྲས་29གཙང་ཕྱིས། རླངས་འཁོར་འཇོག་ཐིག་ཚད་ལྡན་མིན་པ་དང་རླངས་འཁོར་གང་བྱུང་དུ་བཞག་པའི་ཡུལ་372བཅོས་སྒྲིག ཚད་ལྡན་མིན་པའི་ཟོག་འདྲེན་འཁོར་གསུམ་སྦག་སྦག་འཇོག་ས་58བཅོས་སྒྲིག ཟོག་རོ་གང་བྱུང་དུ་བཞག་པའི་ཡུལ་2བཅོས་སྒྲིག་བཅས་བྱས་པ་རེད།

གྲོང་ཁྱེར་དོ་དམ་སྒྲིག་བཀོད་བཅོས་སྒྲིག་བྱ་སྤྱོད་ཀྱི་ཆེད་དོན་ཚན་ཁག་གིས་མི་23བཏང་སྟེ་ལྗོངས་གཟིགས་སྟེགས་བུའི་མཐའ་འཁོར་དང་། ཕོ་བྲང་པོ་ཏ་ལའི་ཐང་ཆེན་གྱི་ཤར་སྒོ། རྫོང་རྒྱབ་ཀླུ་ཁང་སྤྱི་གླིང་གི་རླངས་འཁོར་འཇོག་ས་སོགས་ཀྱི་ས་ཁོངས་ལ་གཙོ་གནད་ཐོག་སྐོར་ཞིབ་བྱས་པ་དང་། རྗེས་འདེད་བསྐོར་ཚོང་ཚོང་པ་28གཙང་སེལ། ལམ་བཟུང་ཚོང་གཉེར་བྱེད་མཁན་31དང་། ལམ་བཟུང་ཚ་ལ་རྒྱག་མཁན་1 ཅ་དངོས་གང་བྱུང་དུ་འཇོག་མཁན་43 ཚོང་ཁང་ཕྱི་རོལ་གྱི་ལམ་བཟུང་ནས་ཚོང་རྒྱག་མཁན་37བཅས་བཅོས་སྒྲིག་བྱས་པ། སྐོར་སྐྱོད་ཚོང་པ་251དང་། ཚ་ལ་རྒྱག་མཁན33 ཁྱིམ་ཆས་རྙིང་པ་འཚོང་མཁན་38བཅས་བཅོས་སྒྲིག སྒྲིག་འགལ་ངང་བཞག་པའི་རྐང་འཁོར་126གཙང་སེལ་བཅས་བྱས་པ་རེད།