⇓ ཀྲུང་གོ་གློག་ཤུགས་འཛུགས་སྐྲུན་ཚོགས་པ་ལོ་སིའི་ནན་ཨོའུ་གཙང་པོ་འབབ་རྒྱུད་ཀྱི་སྐས་རིམ་ཆུ་གློག་རྣམ་གྲངས་དེ་ལོ་སིར་ཡོད་པའི་མེ་ཀུང་གཙང་པོའི་ཆུ་ཕྲན་ཆེ་ཤོས་ནན་ཨོའུ་གཙང་པོའི་ཐོག་གནས་ཡོད་པ་དེར་སྐས་རིམ་གློག་ཁང་7ཡོད། རྣམ་གྲངས་དེས་ས་གནས་དེ་གའི་དམངས་ཚོགས་ལ་རྒྱུན་མི་ཆད་པའི་གློག་མཁོ་འདོན་བྱས་པ་མ་ཟད། ཚན་རིག་དང་མཐུན་ལ་ཕན་འབྲས་ལྡན་པའི་སྐྱེ་ཁམས་སྲུང་སྐྱོང་གི་བྱ་ཐབས་ཀྱང་སྤྱད་ནས་ཤིང་འཛུགས་བྱེད་སྒོ་སྤེལ་བ་དང་། ཉ་ཕྲུག་གློད་པ། སྐྱེ་འཕེལ་ས་ཚིགས་འཛུགས་པ་བཅས་བརྒྱུད། ཆུ་སྐྱེས་སྐྱེ་དངོས་ཀྱི་སྣ་མང་རང་བཞིན་ལ་སྲུང་སྐྱོང་དང་ཆུའི་སྤུས་ཚད་ཀྱི་ལྟ་ཞིབ་ཚད་ལེན་གྱི་དོ་དམ་ལ་ཤུགས་སྣོན་རྒྱག་པ་སོགས་བྱས་པས་རྒྱུན་མཐུད་ཆོག་པའི་འཕེལ་རྒྱས་མངོན་འགྱུར་བྱུང་ཡོད།
འདི་ནི་ལོ་སིའི་ནན་ཨོའུ་གཙང་པོའི་རིམ་པ་དང་པོའི་ཆུ་ཤུགས་གློག་ཁང་ཡིན་པ། ལིའུ་ཡུང་ཆང་གིས་པར་བླངས།