ཤིན་ཧྭ་གསར་འགྱུར་ཁང་གྲོང་ཁྱེར་ཏ་ཁར་ནས་ཟླ་9ཚེས་25ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཚེས་25ཉིན་གྱི་སྔ་དྲོ། “ཞི་མཐུན་གྱི་ལས་འགན་2026ལོའི”ལས་འགན་འཁུར་མཁན་ཀྲུང་གོའི་མཚོ་དམག་གི“བཀྲ་ཤིས་གྲུ་ཆེན”རྟགས་ཅན་གྱི་སྨན་ཁང་གྲུ་གཟིངས་སེ་ནེ་ཀལ་གྱི་རྒྱལ་ས་ཏ་ཁར་དུ་འབྱོར་ཏེ་མཛའ་མཐུན་འཚམས་འདྲི་བྱེད་འགོ་ཚུགས་པ་དང་འབྲེལ་སྨན་བཅོས་ཞབས་ཞུ་ཡང་མཁོ་འདོན་བྱས་པ་རེད། དེ་ནི་ཀྲུང་གོའི་མཚོ་དམག་སྨན་ཁང་གྲུ་གཟིངས་སེ་ནེ་ཀལ་དུ་འཚམས་འདྲི་བྱེད་ཐེངས་ཐོག་མ་དེ་རེད།

འཚམས་འདྲི་བྱེད་རིང་། “བཀྲ་ཤིས་གྲུ་ཆེན”རྟགས་ཅན་གྱི་སྨན་ཁང་གྲུ་གཟིངས་ཀྱིས་ལས་སྟེགས་གཙོ་བོ་སྤྱད་དེ་སྨན་བཅོས་ཞབས་འདེགས་ཞུས་པ་མ་ཟད། སྨན་ཁང་གི་གསོ་སྦྱོང་ཡན་ལག་རུ་ཁག་བཏང་སྟེ་ཡུལ་དེའི་སྨན་ཁང་དུ་ལྟ་སྐོར་དང་སྤེལ་རེས་ཀྱང་བྱས་པ་རེད། དེ་དང་ཆབས་ཅིག་ལས་འཁུར་དཔུང་སྡེས་གྲུ་གཅལ་སྣེ་ལེན་ཚོགས་འདུ་འཚོགས་པ་དང་ཡུལ་དེའི་དྭ་ཕྲུག་ཁང་དུ་འཚམས་འདྲི་བྱས་པ་མ་ཟད། སེ་ནེ་ཀལ་ཕྱོགས་ཀྱི་དཔོན་དམག་དང་ལན་ཆིའུ་སྤོ་ལོའི་མཛའ་གྲོགས་འགྲན་བསྡུར་ཡང་བྱས་པ་རེད།