འདི་ག་ཚགས་པར་ཁང་དུ་གྲོང་ཁྱེར་ཨུ་ལན་དཔའ་ཐུལ་ནས་ཟླ་9ཚེས་25ཉིན་གློག་འཕྲིན་འབྱོར་གསལ། ཚེས་25ཉིན། “ཀྲུང་གོ་ཤེས་ཚོར”ཞེས་པའི་ནང་སོག་རིག་གནས་གཟའ་འཁོར་གྱི་བྱེད་སྒོ་སྐབས་བཅུ་བཞི་པ་མོང་གོལ་རྒྱལ་ཁབ་ཀྱི་རྒྱལ་ས་ཨུ་ལན་དཔའ་ཐུལ་དུ་སྤེལ་འགོ་ཚུགས་པ་རེད། སྐབས་འདིའི་རིག་གནས་གཟའ་འཁོར་ནི་ཀྲུང་གོ་ནང་སོག་རང་སྐྱོང་ལྗོངས་མི་དམངས་སྲིད་གཞུང་གསར་འགྱུར་གཞུང་དོན་ཁང་དང་། མོང་གོལ་རྒྱལ་ཁབ་ཏུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་། མོང་གོལ་རྒྱལ་ཁབ་ཀྱི་རིག་གནས་ལུས་རྩལ་ཡུལ་སྐོར་དང་གཞོན་ནུ་པུའུ་བཅས་ཀྱིས་མཉམ་དུ་གཙོ་གཉེར་བྱས་པ་དང་། དེའི་བརྗོད་དོན་གཙོ་བོ་ནི“སྒོ་དབྱེའི་གོ་སྐབས་གསར་པ་མཉམ་སྤྱོད་ཀྱིས་རྩྭ་ཐང་གི་དར་གོས་ལམ་བུ་གསར་པ་མཉམ་དུ་གཏོད”ཅེས་པ་དེ་རེད།

ཤེས་རྟོགས་བྱུང་བར་གཞིགས་ན། སྐབས་འདིའི་རིག་གནས་གཟའ་འཁོར་གྱི་ནང་དོན་དང་རྣམ་པ་ཕུན་སུམ་ཚོགས་པ་དང་། ཁྱབ་རྒྱ་ཆེ་བས་ཀྲུང་གོའི(ནང་སོག)རང་མོས་ཚོང་དོན་ཚོད་ལྟའི་ཁུལ་འཛུགས་སྐྲུན་འོས་སྦྱོར་དང་། རིག་གནས་ཡུལ་སྐོར་ཐོན་ཁུངས་འོས་སྦྱོར། བརྗོད་དོན་གཙོ་བོའི་ཕྱོགས་བསྡུས་འགྲེམས་སྟོན། ཆེད་དོན་རིག་རྩལ་འཁྲབ་སྟོན་སོགས་རིགས་ཆེ་གྲས་12ཀྱི་རིམ་སྤེལ་བྱེད་སྒོ་23བཀོད་སྒྲིག་བྱས་ཡོད་པ་རེད།