འདི་ག་ཚགས་པར་ཁང་དུ་པེ་ཅིང་ནས་ཟླ་9ཚེས་24ཉིན་གློག་འཕྲིན་འབྱོར་གསལ། ཚེས་24ཉིན། གསར་འགོད་པར་ཁྲོམ་ར་ལྟ་འདོམས་སྤྱི་ཁྱབ་ཅུས་ནས་ཤེས་རྟོགས་བྱུང་བར། ཟླ་དང་པོ་ནས་བརྒྱད་པའི་བར། རྒྱལ་ཡོངས་སུ་ཚོང་གཉེར་བྱེད་པོ་ཁྲི་1550.2མང་དུ་ཕྱིན་ཡོད། དེའི་ནང་། ཁེ་ལས་ཚོང་དུད་ཁྲི་600.1དང་། ཁེར་རྐྱང་བཟོ་ཚོང་ཚོང་དུད་ཁྲི་947.4 ཞིང་པའི་ཆེད་ལས་མཉམ་ལས་ཁང་ཁྲི་2.7བཅས་ཡོད་པ་རེད།

ཐོན་ལས་ཀྱི་གྲུབ་ཚུལ་རྒྱུན་མཐུད་ལེགས་སུ་ཕྱིན་ཞིང་། ཟླ་དང་པོ་ནས་བརྒྱད་པའི་བར། ཐོན་ལས་དང་པོའི་ཚོང་གཉེར་བྱེད་པོ་ཁྲི་56.5མང་དུ་ཕྱིན་པ་དང་། ཐོན་ལས་གཉིས་པའི་ཚོང་གཉེར་བྱེད་པོ་ཁྲི་114.9མང་དུ་ཕྱིན་པ། ཐོན་ལས་གསུམ་པའི་ཚོང་གཉེར་བྱེད་པོ་ཁྲི་1378.8མང་དུ་ཕྱིན་པ་བཅས་རེད། ཞབས་ཞུའི་ལས་རིགས་ནི་སྔར་བཞིན་ལས་མི་བསྡུ་བ་དང་། འཛད་སྤྱོད་ལ་སྐུལ་སྤེལ། ཕྱོགས་སྒྱུར་ལ་སྐུལ་འདེད་བཅས་བྱེད་པའི་སྒུལ་ཤུགས་གལ་ཆེན་ཞིག་རེད།

ཐོན་ལས་གསར་པ་བཙུགས་ནས་གནད་སྨིན་འཐུས་ཚང་དང་། ལས་རྣམ་གསར་པ་རིམ་འཇུག་གསར་བརྗེས། རྣམ་པ་གསར་པའི་འཕེལ་ངོ་གསར་པ་ཐོན་པ། ལག་རྩལ་གསར་པས་མཐུན་རྐྱེན་གཏིང་ཟབ་སྦྱོར་བ་བཅས་བྱུང་ཡོད། ཟླ་8པའི་ཟླ་མཇུག་བར། རྒྱལ་ཡོངས་སུ་ཐོ་འགོད་བྱས་པའི“གསར་པ་བཞིའི”དཔལ་འབྱོར་ཁེ་ལས་ཚོང་དུད་ཁྲི་2930.1ཟིན་པ་དེ་དུས་མཚུངས་ལས་5.4%འཕར་ནས་ཁེ་ལས་བསྡོམས་འབོར་གྱི་44.0%བཟུང་ཡོད།