འདི་ག་ཚགས་པར་ཁང་དུ་པེ་ཅིང་ནས་ཟླ་1ཚེས་26ཉིན་གློག་འཕྲིན་འབྱོར་གསལ། ཉེ་ཆར། ཁྲིམས་འཛིན་པུའུ་ཡིས“རྒྱལ་ཡོངས་ཀྱི་ཁྲིམས་སྲུང་དང་བཅའ་ཁྲིམས་ཁྱབ་གདལ་གྱི་དཔེ་སྟོན་གྲོང་ཁྱེར（རྫོང་དང་ཆུས）”གྱི་མིང་ཐོ་ཁག་དང་པོ་ཁྱབ་བསྒྲགས་བྱས་པ་དེའི་ནང་པེ་ཅིང་གྲོང་ཁྱེར་གྲོང་ནུབ་ཆུས་དང་ཐེན་ཅིན་གྲོང་ཁྱེར་པིན་ཧའེ་ཁུལ་གསར་སོགས་ས་ཁུལ་50ཚུད་ཡོད་པ་རེད།

ཤེས་རྟོགས་བྱུང་བར་གཞིགས་ན། 2022ལོའི་ཟླ་11པར། ཁྲིམས་འཛིན་པུའུ་ཡིས“རྒྱལ་ཡོངས་ཀྱི་ཁྲིམས་སྲུང་དང་བཅའ་ཁྲིམས་ཁྱབ་གདལ་གྱི་དཔེ་སྟོན་གྲོང་ཁྱེར（རྫོང་དང་ཆུས）”འཛུགས་གཏོད་བྱེད་སྒོ་བཀོད་སྒྲིག་བྱས་པ་རེད། འབྲེལ་ཡོད་ཇུས་གཞི་གཞིར་བཟུང་དངོས་ཡོད་དྲང་གཞག་དང་། ཡོངས་བསྒྲགས་ཁ་གསལ། དངོས་ཕན་དོན་གཉེར། གཞི་རིམ་གྱི་ཁུར་པོ་ཡང་དུ་གཏོང་བ་བཅས་ཀྱི་རྩ་དོན་ལྟར། རང་མོས་ངང་རེ་ཞུ་དང་། ཞིང་ཆེན་རིམ་པའི་ཐོག་མའི་དཔྱད་ཞིབ། རིགས་གཅིག་མཁས་ཅན་གྱི་དཔྱད་ཞིབ། སྤྱི་ཚོགས་ཀྱི་བརྟག་དཔྱད། སྤྱི་ཚོགས་ལ་ཡོངས་བསྒྲགས་སོགས་ཀྱི་གོ་རིམ་གཞིར་བཟུང་ཞིབ་འཇུག་ནན་ཏན་བྱས་པ་བརྒྱུད། ཁྲིམས་འཛིན་པུའུ་ཡིས“རྒྱལ་ཡོངས་ཀྱི་ཁྲིམས་སྲུང་དང་བཅའ་ཁྲིམས་ཁྱབ་གདལ་གྱི་དཔེ་སྟོན་གྲོང་ཁྱེར（རྫོང་དང་ཆུས）”ཁག་དང་པོ་མིང་འདོགས་རྒྱུའི་གཏན་འབེབས་བྱས་པ་རེད།

ཁྲིམས་འཛིན་པུའུ་ཡིས“རྒྱལ་ཡོངས་ཀྱི་ཁྲིམས་སྲུང་དང་བཅའ་ཁྲིམས་ཁྱབ་གདལ་གྱི་དཔེ་སྟོན་གྲོང་ཁྱེར（རྫོང་དང་ཆུས）”འཛུགས་གཏོད་བྱེད་སྒོ་སྒྲིག་འཛུགས་བྱས་ནས་སྤེལ་བ་དང་ཁག་རེ་རེའི་འཛུགས་གཏོད་དུས་ཡུན་ལོ་གསུམ་ཡིན་ཞིང་། དེའི་དམིགས་ཡུལ་ནི་ས་གནས་ཁག་གིས་དཔེ་སྟོན་འཛུགས་གཏོད་དམ་འཛིན་བྱ་གཞིར་བྱེད་པ་དང་སྔོན་ཐོན་དཔེ་མཚོན་ཚད་གཞིར་བྱས་པ་དང་་ཁྲིམས་སྐྱོང་དྲིལ་བསྒྲགས་སློབ་གསོའི་བཅའ་ཁྲིམས་ལག་བསྟར་བྱས་ནས། ཁྲིམས་སྐྱོང་དྲིལ་བསྒྲགས་སློབ་གསོ་དེ་ཁྲིམས་སྐྱོང་ལག་ལེན་དང་། གཞི་རིམ་བཅོས་སྐྱོང་། རྒྱུན་གཏན་འཚོ་བ་བཅས་དང་མཉམ་འདྲེས་བྱས་ཏེ་སྤྱི་ཚོགས་ཡོངས་ཀྱིས་ཁྲིམས་སྐྱོང་ལ་བརྩི་བཀུར་དང་། སྒྲིག་སྲོལ་བརྩི་སྲུང་ནན་པོ། གན་རྒྱར་བརྩི་འཇོག དྲང་བདེན་སྲུང་སྐྱོང་བཅས་བྱེད་པའི་ཁོར་ཡུག་བཟང་པོ་བསྐྲུན་རྒྱུ་དེ་རེད།