འདི་ག་ཚགས་པར་ཁང་དུ་པེ་ཅིང་ནས་ཟླ་11ཚེས་30ཉིན་གློག་འཕྲིན་འབྱོར་གསལ། 2022ལོའི་ཟླ་7པའི་ཚུན་དུ་པེ་ཅིང་གྲོང་ཁྱེར་གྱིས་ཕྱིར་སྐྱོད་དང་། ཉོ་སྐྱེལ། འཕྲལ་དུ་སྡེབ་སྐྱེལ། གྲོང་གཅིག་ཟོག་འདྲེན་སོགས་ཉེན་ཁ་ཅུང་ཆེ་བའི་ལས་རིགས་སུ་ལས་རིགས་ཀྱི་གནོད་འཚེའི་འགན་སྲུང་ལམ་ལུགས་ཐོག་མར་ལག་ལེན་བསྟར་ཞིང་། མིག་སྔའི་བར་ལས་སྟེགས་ཀྱི་ཁེ་ལས་21ལ་ཁྱབ་པ་དང་རིམ་རྩིས་བརྒྱབ་ན་འགན་བཅོལ་ལ་ཞུགས་མཁན་མི་ཁྲི་157ཟིན་ཡོད།

ངོ་སྤྲོད་བྱས་པར་གཞིགས་ན། པེ་ཅིང་གིས་འཚོལ་ཞིབ་བྱས་ནས་བཙུགས་པའི་ལས་རིགས་གནོད་འཚེའི་འགན་སྲུང་ལམ་ལུགས་དེ་ལས་ཞུགས་རྣམ་པ་གསར་པའི་རང་ཚུགས་བབ་བསྟུན་ཆེ་བ་དང་། འཁོར་རྒྱུག་རང་བཞིན་ཆེ་བ། དྲ་ཐོག་ནས་མངགས་ཐོ་ལེན་པ་སོགས་ཀྱི་ཁྱད་ཆོས་དང་འཚམ་པ་དང་། མངགས་ཐོ་གཞིར་བཟུང་གྲོན་དངུལ་སྤྲོད་པའི་འགན་བཅོལ་ལ་ཞུགས་པའི་རྣམ་པ་སྤྱོད་པ། ལས་སྟེགས་ཀྱི་ཁེ་ལས་ཀྱིས་གྲོན་དངུལ་གཏོང་འགན་འཁུར་དགོས་ཀྱི་ཡོད། གལ་ཏེ་ངལ་རྩོལ་པར་ལས་ཀ་བྱེད་རིང་རྨས་སྐྱོན་ཕོག་ཚེ། དེའི་སྨན་བཅོས་དང་བདེ་ཐང་སླར་གསོའི་གྲོན་དངུལ་དག་གཏན་འབེབས་གཞིར་བཟུང་ལས་རྨས་འགན་བཅོལ་ཐེབས་རྩ་ནས་བཏང་ན་ཆོག ལས་རིགས་ཀྱི་གནོད་འཚེ་ཕོག་ནས་ཤི་བར་ལས་རྨས་འགན་བཅོལ་ཐོབ་ཐང་དང་ཚད་གཞི་གཅིག་མཚུངས་ཡིན་པའི་ལས་ཤོར་གུན་གསབ་རག་གི་ཡོད། ལོ་3ལྷག་ཙམ་རིང་གྲོང་ཁྱེར་ཡོངས་ཀྱིས་རིམ་རྩིས་བརྒྱབ་ན། ལས་རིགས་ཀྱི་གནོད་འཚེ་ཕོག་མཁན་ཁྲི་1.18གཏན་འཁེལ་ཁ་གསལ་བྱས་ཤིང་། ཞིབ་བཤེར་གཏན་འཁེལ་བྱས་རྗེས་སྔ་ཕྱིར་ངལ་རྩོལ་པ་7700ལྷག་ཙམ་ལ་འབྲེལ་ཡོད་དངུལ་སྤྲད་ཡོད།