འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། ད་ལོའི་ཟླ་བ་དང་པོ་ནས་བཅུ་པ་བར། ཀྲེ་ཅང་ཀྲོའུ་ཧྲན་འགག་སྒོ་ནས་སྣུམ་གྱི་ཐོན་རྫས་དང་། འབྲུ་རིགས། ལྕགས་རྡོ། གཤེར་འགྱུར་རང་བྱུང་སོལ་རླངས་སོགས་ཚོང་ཟོག་འབོར་ཆེན་གཙོ་བོ་ཏུན་དུང་ཕྱུར་1.5ཙམ་ནང་འདྲེན་བྱས་པ་དེས་རྒྱལ་ཡོངས་ཀྱི་ནང་འདྲེན་སྤྱི་འབོར་གྱི་7.1%བཟུང་ཡོད། ཟླ་10པ་རང་ལ་ཀྲོའུ་ཧྲན་འགག་སྒོ་ནས་ཚོང་ཟོག་འབོར་ཆེན་ཏུན་ཁྲི་1610ནང་འདྲེན་བྱས་པ་དེ་དུས་མཚུངས་ལས་22%འཕར་བ་དང་། དེ་ལས་ཚོང་ཟོག་འབོར་ཆེའི་ཐོན་ཁུངས་བཀོད་སྒྲིག་བྱེད་ནུས་བརྟན་པོའི་ངང་མཐོ་རུ་འགྲོ་བ་མཚོན་གྱི་ཡོད།

ངོ་སྤྲོད་བྱས་པར་གཞིགས་ན། ཧང་ཀྲོའུ་འགག་སྒོ་ལས་ཁུངས་ཀྱིས་ཚོང་ཟོག་འབོར་ཆེའི“སྒོ་ཁྲལ་མེད་ཁུལ་དང་གྲུ་ཁ་མཉམ་འགུལ”གྱི་ལས་སྒོ་སྤེལ་ནས་རླངས་འཁོར་ས་ཚིགས་བརྒྱུད་སྐབས་ཞིབ་བཤེར་གྱི་བརྒྱུད་རིམ་ལེགས་སྒྲིག་བྱས་ནས་ཟོག་འགྲེམས་ཀྱི་ལས་ཆོད་ཆེ་རུ་བཏང་ཡོད། ཚོད་དཔག་བྱས་པར་གཞིགས་ན། “སྒོ་ཁྲལ་མེད་ཁུལ་དང་གྲུ་ཁ་མཉམ་འགུལ”བྱས་རྗེས་ཚོང་ཟོག་འབོར་ཆེ་འཐབ་ས་དང་པོའི་སྒོ་ཁྲལ་མེད་ཁུལ་ནས་འགྲོ་འོང་བྱེད་པའི་དུས་ཚོད་40%ཙམ་ཐུང་དུ་ཕྱིན་ཏེ་ཁེ་ལས་ཀྱི་མ་གནས་40%ཙམ་གྲོན་ཆུང་ཐུབ་ཡོད་པ་རེད། བརྒྱུད་རིམ་ཧྲིལ་པོར་རིག་ནུས་ལྟ་འདོམས་ཐུབ་སྟེ་དྲ་ཐོག་མ་ལག་བརྒྱུད་གློག་རྡུལ་འབུད་རྫས་རྩིས་སྤྲོད་འཛིན་ཤོག་མཆན་སྤྲོད་ཐུབ་ནས་བརྒྱུད་རིམ་ཧྲིལ་པོར་སྐར་མ་5ཡང་འགོར་གྱི་མེད་པས། ཀྲོའུ་ཧྲན་གྲུ་ཁ་དེ་སྒོ་ཁྲལ་མེད་པའི་གྲུའི་འབུད་རྫས་བརྒྱུད་རིམ་ཧྲིལ་པོར་གྲངས་འཛིན་འབྲེལ་མཐུད་མངོན་འགྱུར་བྱུང་བའི་རྒྱལ་ཡོངས་ཀྱི་གྲུ་ཁ་དང་པོ་དང་གོ་ལ་ཧྲིལ་པོའི་ཨང་གསུམ་པར་གྱུར་ཡོད། （རིག་རྡོར་གྱིས་བསྒྱུར། རིག་རྡོར་དང་པ་ཕན་གྱིས་ཞུས）