ཤིན་ཧྭ་གསར་འགྱུར་ཁང་པེ་ཅིང་ནས་ཟླ་1ཚེས་14ཉིན་གློག་འཕྲིན་འབྱོར་གསལ། ཟླ་1ཚེས་14ཉིན་ཀྲུང་གོ་གུང་ཁྲན་ཏང་དང་། རི་པིན་གྱི་རང་མོས་དམངས་གཙོ་ཏང་དང་། ཀུང་མིང་ཏང་བཅས་ཀྱིས་མཉམ་དུ་གཉེར་བའི་ཀྲུང་རིའི་སྲིད་འཛིན་ཏང་གི་སྤེལ་རེས་ལམ་སྲོལ་གྱི་ཚོགས་འདུ་ཐེངས་དགུ་པ་པེ་ཅིང་དུ་འཚོགས་ཤིང་། ཕྱོགས་གཉིས་པོས“འགྱུར་ལྡོག་ཆེན་པོའི་ཁྲོད་ཀྲུང་རིའི་འབྲེལ་བ—སྲིད་འཛིན་ཏང་གི་འགན་འཁྲི་དང་འོས་འགན”གྱི་བརྗོད་དོན་གཙོ་བོར་དམིགས་ནས་སྒོ་དབྱེ་དང་ལྷག་བསམ་རྣམ་དག་གིས་སྤེལ་རེས་བྱས་པ་རེད། ཀྲུང་གོ་ཕྱོགས་ཀྱི་པུའུ་ཨུད་དང་། ས་གནས་སྲིད་གཞུང་། དེ་བཞིན་རི་པིན་སྲིད་འཛིན་ཏང་བཅས་ཀྱི་འཐུས་མི་60ལྷག་ཙམ་ཞུགས་ཡོད་པ་རེད།

ཀྲུང་གུང་ཀྲུང་དབྱང་ཕྱི་ཕྱོགས་འབྲེལ་གཏུག་པུའི་པུའུ་ཀྲང་ལིའུ་ཅན་ཁྲའོ་ཡིས་ཀྲུང་གོ་ཕྱོགས་ཀྱིས་རི་པིན་ཕྱོགས་དང་མཉམ་དུ་རྒྱལ་ཁབ་གཉིས་པོའི་འགོ་ཁྲིད་པའི་ཐུན་མོང་གི་ངོས་འཛིན་གལ་ཆེན་དོན་འཁྱོལ་ཡག་པོ་བྱས་ནས་ཞི་བདེ་མཉམ་གནས་དང་། མཐུན་འགྲོགས་མཉམ་གནས། བསྟུན་ཀྱང་གཅིག་མཚུངས་མི་བྱེད་པ་བཅས་མཐའ་འཁྱོངས་བྱས་ཏེ་དུས་རབས་གསར་པའི་བླང་བྱ་དང་འཚམ་པའི་དགེ་མཚན་ལྡན་པ་དང་བརྟན་བརླིང་གི་ཀྲུང་རིའི་འབྲེལ་བ་འཛུགས་རྒྱུར་སྐུལ་འདེད་གཏོང་འདོད་ཡོད། རྒྱལ་ཁབ་གཉིས་པོའི་སྲིད་འཛིན་ཏང་གིས་སྐད་ཆ་ཤོད་རེས་དང་འབྲེལ་གཏུག་ལ་ཤུགས་སྣོན་བརྒྱབ་སྟེ་ཀྲུང་རིའི་འབྲེལ་བ་སྐྱོན་བྲལ་དང་བརྟན་བརླིང་ངང་འཕེལ་རྒྱས་འགྲོ་བར་སྐུལ་འདེད་གཏོང་དགོས་ཞེས་བརྗོད་པ་རེད།