2024ལོར་ཆུ་བེད་འཛུགས་སྐྲུན་ཐད་མ་དངུལ་གཏོང་ཚད་ལོ་རྒྱུས་ཀྱི་ཟིན་ཐོ་གསར་ཤོས་སུ་སླེབས་པ་དང་། རྒྱལ་ཁབ་ཀྱི་ཆུ་དྲའི་གཙོ་གནད་ལས་གྲྭ་41གསར་དུ་ལས་འགོ་བཙུགས་པ། ཆུ་བེད་ལས་གྲྭའི་རྣམ་གྲངས་46967ལག་བསྟར་བྱས་པ། ཆུ་བེད་འཛུགས་སྐྲུན་ལ་མ་དངུལ་སྒོར་དུང་ཕྱུར་13529བཏང་བ་དེ་དུས་མཚུངས་ལས་12.8%འཕར་ནས་ལོ་རྒྱུས་ཀྱི་མཐོ་ཤོས་སུ་སླེབས་ཡོད།

འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། གསར་འགོད་པས་2025ལོའི་རྒྱལ་ཡོངས་ཀྱི་ཆུ་བེད་ལས་དོན་ཚོགས་འདུའི་ཐོག་ནས་ཤེས་རྟོགས་བྱས་པར། 2024ལོར་ཆུ་བེད་འཛུགས་སྐྲུན་ཐད་མ་དངུལ་གཏོང་ཚད་ལོ་རྒྱུས་ཀྱི་ཟིན་ཐོ་གསར་ཤོས་སུ་སླེབས་པ་དང་། རྒྱལ་ཁབ་ཀྱི་ཆུ་དྲའི་གཙོ་གནད་ལས་གྲྭ་41གསར་དུ་ལས་འགོ་བཙུགས་པ། ཆུ་བེད་ལས་གྲྭའི་རྣམ་གྲངས་46967ལག་བསྟར་བྱས་པ། ཆུ་བེད་འཛུགས་སྐྲུན་ལ་མ་དངུལ་སྒོར་དུང་ཕྱུར་13529བཏང་བ་དེ་དུས་མཚུངས་ལས་12.8%འཕར་ནས་ལོ་རྒྱུས་ཀྱི་ཟིན་ཐོ་གསར་ཤོས་སུ་སླེབས་པ། གཞི་ཁྱོན་ཆེ་བའི་ཆུ་བེད་འཛུགས་སྐྲུན་ནང་མི་ཁྲི་314.7ལས་ཞུགས་ཐུབ་པ་དེ་དུས་མཚུངས་ལས་14.9%འཕར་ནས། འཕར་རྒྱུ་བརྟན་པོ་དང་ལས་ཞུགས་བརྟན་པོ་ཡོང་བར་ནུས་པ་གལ་ཆེན་བཏོན་ཡོད།

རྒྱལ་ཁབ་ཀྱི་ཆུ་དྲའི་གཙོ་གནད་དང་འཕར་རྩ་ཆེན་པོ་མགྱོགས་མྱུར་བསྐྲུན་པ་དང་རྨ་ཆུའི་ཀུའུ་ཤན་སོགས་གཙོ་གནད་ལས་གྲྭ་ཁག་གཅིག་འཛུགས་སྐྲུན་བྱེད་འགོ་བཙུགས་པས། ཆུ་བེད་ལས་དོན་ལ་དགེ་མཚན་ལྡན་པའི་འཕེལ་རྒྱས་བྱུང་ཡོད། ཆུ་བེད་ལས་གྲྭས་དམངས་འཚོར་ཕན་འདོགས་པ་དང་། གྲོང་གསེབ་ཀྱི་ཆུ་མཁོ་འདོན་ལས་གྲྭ་ཁྲི་2.3འཛུགས་སྐྲུན་བྱས་པ། གྲོང་གསེབ་ཀྱི་མི་འབོར་དུང་ཕྱུར་1.1གི་ཆུ་མཁོ་འདོན་འགན་ལེན་གྱི་ཆུ་ཚད་མཐོ་རུ་བཏང་ནས། རྒྱལ་ཡོངས་ཀྱི་གྲོང་གསེབ་ཏུ་རང་འབབ་ཆུ་ཁྱབ་ཚད་94%ཟིན་ཡོད།