འདི་ག་ཚགས་པར་ཁང་དུ་པེ་ཅིང་ནས་ཟླ་1ཚེས་15ཉིན་གློག་འཕྲིན་འབྱོར་གསལ། ཚེས་15ཉིན། གསར་འགོད་པས་འགྲིམ་འགྲུལ་སྐྱེལ་འདྲེན་པུའུ་ནས་ཤེས་རྟོགས་བྱས་པར། 2024ལོའི་ལོ་ཧྲིལ་པོར་རང་རྒྱལ་དུ་གྲོང་ཁྱེར་གྱི་ལྕགས་ལམ་འགྲིམ་འགྲུལ་འཁོར་སྐྱོད་ལམ་ཐིག་18དང་། འཁོར་སྐྱོད་ཁུལ་དུམ་27 འཁོར་སྐྱོད་ལམ་ཚད་སྤྱི་ལེ་748བཅས་མང་དུ་བཏང་ཡོད། 2024ལོའི་ལོ་ཧྲིལ་པོར་དངོས་སུ་མེ་འཁོར་ཐེངས་ཁྲི་4085དངོས་སུ་བཏང་བ་དང་། འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར་322.4ཟིན་པ་དེ་2023ལོ་དང་བསྡུར་ན་མི་ཐེངས་དུང་ཕྱུར་28འཕར་བ་དང་དུས་མཚུངས་ལས་9.5%འཕར་ཡོད།

ཞིབ་ཕྲའི་གནས་ཚུལ་ལ་བལྟས་ན། གྲོང་ཁྱེར་43ལ་ས་འོག་ལྕགས་ལམ་དང་ཡང་བའི་ལྕགས་ལམ་ལམ་ཐིག་267ཤར་གཏོང་ཐུབ་ཅིང་། འཁོར་སྐྱོད་ལམ་ཚད་སྤྱི་ལེ་9477.6ཟིན་པ། འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར་311.3ཟིན་པ་དང་། གྲོང་ཁྱེར་16ལ་ལྕགས་ལམ་རྐྱང་པ་དང་། འཕྱོ་སྐྱོད་མེ་འཁོར། གྲོང་ཁོངས་ཀྱི་མྱུར་བགྲོད་ལྕགས་ལམ་བཅས་ཀྱི་འགྲིམ་འགྲུལ་ལམ་ཐིག་25ཤར་གཏོང་ཐུབ་ཅིང་འཁོར་སྐྱོད་ལམ་ཚད་སྤྱི་ལེ་970.7ཟིན་པ་དང་འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར་9.8ཟིན་པ། གྲོང་ཁྱེར་18ལ་ལྕགས་ལམ་གློག་འཁོར་དང་རང་འགུལ་ཕྱོགས་སྟོན་ལྕགས་ལམ་ལམ་ཐིག་33ཤར་གཏོང་ཐུབ་པ་དང་འཁོར་སྐྱོད་ལམ་ཚད་སྤྱི་ལེ་497.3ཟིན་ཞིང་། འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར་1.3ཟིན་ཡོད།