ཤིན་ཧྭ་གསར་འགྱུར་ཁང་མཉམ་འབྲེལ་རྒྱལ་ཚོགས་ནས་གློག་འཕྲིན་འབྱོར་གསལ། ཉིན་ཤས་གོང་། མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཐོག་མོས་མཐུན་མགྲིན་གཅིག་ཏུ་བྱུང་བའི་རྣམ་པའི་ཐོག་ནས་བཅའ་ཁྲིམས་ཀྱི་ཚོད་འཛིན་ནུས་པ་ལྡན་པའི《མཉམ་འབྲེལ་རྒྱལ་ཚོགས་ཀྱི་དྲ་རྒྱའི་ཉེས་གསོག་ལ་རྡུང་རྡེག་གཏོང་བའི་སྤྱི་ཆིངས》ལ་གྲོས་འཆམ་བྱུང་བ་དང་། དེའི་དམིགས་ཡུལ་ནི་རྒྱལ་སྤྱིའི་མཉམ་ལས་ལ་ཤུགས་སྣོན་བརྒྱབ་ནས་དྲ་རྒྱའི་ཉེས་གསོག་སྔོན་འགོག་དང་རྡུང་རྡེག་གཏོང་ཆེད་ཡིན་པ་རེད།

མཉམ་འབྲེལ་རྒྱལ་ཚོགས་ཀྱི་དྲུང་ཆེ་ཀུའུ་ཐེ་ལེ་སིས་དེར་དགའ་བསུ་ཞུས་པ་དང་འབྲེལ་དེ་ནི་ལོ་20ལྷག་ཙམ་རིང་གྲོས་མོལ་བྱས་པ་བརྒྱུད་གྲོས་འཆམ་བྱུང་བའི་རྒྱལ་སྤྱིའི་ཉེས་དོན་ཁྲིམས་འཛིན་ཆིངས་ཡིག་ཐོག་མ་ཡིན་པ་དང་། ཆིངས་ཡིག་དེའི་ཐོག་ནས་ཕྱོགས་མང་རིང་ལུགས་ལ་དཀའ་ངལ་ཆེ་བའི་དུས་སྐབས་སུ་གྲུབ་འབྲས་ཐོབ་པ་མཚོན་གྱི་ཡོད་ལ། ཚོགས་མིའི་རྒྱལ་ཁབ་ཀྱིས་རྒྱལ་སྤྱིའི་མཉམ་ལས་ལ་ཤུགས་སྣོན་བརྒྱབ་ནས་དྲ་རྒྱའི་ཉེས་གསོག་སྔོན་འགོག་དང་རྡུང་རྡེག་གཏོང་བའི་ཐུན་མོང་གི་འདོད་བློ་མཚོན་གྱི་ཡོད་ཅེས་བརྗོད་པ་རེད།

2025ལོར་ཝེ་ཐེ་ནམ་གྱི་རྒྱལ་ས་ཧོ་ནོ་དབྱི་རུ་དངོས་གཞིའི་མཛད་སྒོ་འཚོག་སྐབས་སྤྱི་ཆིངས་དེར་མིང་རྟགས་འགོད་རྒྱུ་དང་འབྲེལ་རྒྱལ་ཁབ་བཞི་བཅུ་པས་མིང་རྟགས་བཀོད་ནས་ཆོག་མཆན་སྤྲད་རྗེས་ཀྱི་ཉིན་90ཡི་ནང་ནུས་པ་ཐོན་རྒྱུ་རེད།