འདི་ག་ཚགས་པར་ཁང་དུ་པེ་ཅིང་ནས་ཟླ་12ཚེས་28ཉིན་གློག་འཕྲིན་འབྱོར་གསལ། ཀྲུང་གོ་རྒྱལ་སྤྱིའི་ལས་གྲྭ་བློ་འདྲི་ཚད་ཡོད་ཀུང་སིའི་འཐབ་ཇུས་ཞིབ་འཇུག་ཁང་གིས་ཉེ་ཆར། 《ཀྲུང་གོའི་སྲུང་སྐར་རྒྱང་ཚོར་དང་ཉེར་སྤྱོད་ཐོན་ལས་འཕེལ་རྒྱས་ཀྱི་རྒྱབ་ཤ་སྔོན་པོའི་དེབ（2023ལོ）》བཀྲམ་པ་རེད། རྒྱབ་ཤ་སྔོན་པོའི་དེབ་ཀྱི་བསྡོམས་རྩིས་ཚད་ལེན་ལྟར་ན། 2023ལོར་རང་རྒྱལ་གྱི་སྲུང་སྐར་རྒྱང་ཚོར་དང་ཉེར་སྤྱོད་ཐོན་ལས་ཀྱི་གཞི་ཁྱོན་སྒོར་དུང་ཕྱུར་2450ཟིན་ནས་འཕར་ཚད་6.5%ཟིན་པ་དང་། ཐད་ཀའི་ཕན་འབྲས་སྒོར་དུང་ཕྱུར་434ཟིན་ནས་དུས་མཚུངས་ལས་3.6%འཕར་ཡོད། སྲུང་སྐར་རྒྱང་ཚོར་གྱི་གྲངས་གཞི་ནི་རང་བྱུང་ཐོན་ཁུངས་དང་། སྐྱེ་ཁམས་ཁོར་ཡུག ཞིང་ལས་དང་གྲོང་གསེབ། སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན། གནམ་གཤིས། རྒྱ་མཚོ་སོགས་ཁྱབ་ཁོངས་སུ་རྒྱ་ཁྱབ་ཏུ་བཀོལ་སྤྱོད་བྱས་ཏེ་ལས་རིགས་ཁག་འཕེལ་རྒྱས་འགྲོ་བར་ནུས་པ་འདོན་སྤྲོད་བྱས་ཤིང་། ས་གནས་ཀྱི་བཅོས་སྐྱོང་ནུས་པ་དེང་རབས་ཅན་ལ་རམ་འདེགས་དང་སྤྱི་ཚོགས་ཀྱི་དམངས་འཚོའི་ཐད་ལ་ཞབས་འདེགས་ཞུ་བའི་ནུས་པ་སྔར་བས་གལ་ཆེན་འདོན་གྱི་ཡོད་པ་རེད།

（གནམ་ཕྱུག་རྒྱལ་གྱིས་བསྒྱུར། པ་ཕན་གྱིས་ཞུས）