འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། འགྲིམ་འགྲུལ་སྐྱེལ་འདྲེན་པུའུ་ཡི་གྲངས་གཞི་གསར་ཤོས་ལས་མངོན་གསལ། འདི་ལོའི་ལོ་འཁོར་མོར་སྔོན་དཔག་བྱས་ན་འགྲིམ་འགྲུལ་སྐྱེལ་འདྲེན་གྱི་གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར་ཁྲི་3.8ཙམ་གཏོང་རྒྱུ་ཡིན་པའི་ནང་ལྕགས་ལམ་དང་། ཆུ་ལམ། དམངས་སྤྱོད་མཁའ་འགྲུལ་བཅས་ལ་མ་དངུལ་གཏོང་ཚད་དུས་མཚུངས་ལས་10%དང་། 7% 9%བཅས་ཙམ་སོ་སོར་འཕར་བ་དང་། སྔོན་དཔག་བྱས་ན་གཞུང་ལམ་ལ་མ་དངུལ་གཏོང་ཚད་སྒོར་དུང་ཕྱུར་2.57ཟིན་རྒྱུ་ཡིན་པས་མུ་མཐུད་གྲངས་གནས་མཐོ་པོར་སླེབས་ཡོད་པ་རེད།

ཧྲེན་ཀྲེན་ནས་ཀྲུང་ཧྲན་བགྲོད་ལམ་དང་ཧོང་མའོ་རྒྱ་མཚོའི་མཚོ་ཐོག་བགྲོད་ལམ་བསྐྲུན་ནས་རླངས་འཁོར་ཤར་གཏོང་ཐུབ་པ་དང་། ཁྲི་ཀྲོའུ་ནས་ཧོང་ཧྲན་བར་དང་ཧྲང་ཧའེ་དང་། སུའུ་ཀྲོའུ། ཧུའུ་ཀྲོའུ་བཅས་བར་གྱི་མྱུར་བགྲོད་ལྕགས་ལམ་བསྐྲུན་ནས་འཁོར་རྒྱུག་བྱས་པ། ལན་ཀྲོའུ་ནས་ཧའེ་ཁོའུ་བར་དང་དབྱིང་ཁྲོན་ནས་ཁུན་མིན་བར་གྱི་རྒྱལ་ཁབ་ཀྱི་མྱུར་བགྲོད་གཞུང་ལམ་གྱི་མ་ལམ་ཏལ་འབིགས་ཐུབ་པ་ལ་སོགས་འདི་ལོ་ཚུན་འགྲིམ་འགྲུལ་གྱི་གཙོ་གནད་རྣམ་གྲངས་འཛུགས་སྐྲུན་གྱི་མྱུར་ཚད་ཟམ་མི་ཆད་པར་མགྱོགས་སུ་ཕྱིན་ནས་འགྲིམ་འགྲུལ་ཐད་མ་དངུལ་གཏོང་ཚད་མཐོ་པོ་རྒྱུན་འཁྱོངས་བྱེད་པར་འདེགས་སྐྱོར་ནུས་ལྡན་བྱས་པ་རེད།

གོམ་སྟབས་རྗེས་མར་མ་དངུལ་དང་གཙོ་རྒྱུའི་འགན་ལེན་ཆེ་རུ་བཏང་ནས་གཙོ་གནད་རྣམ་གྲངས་ཁག་གཅིག་འཛུགས་སྐྲུན་བྱ་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་རྒྱུ་རེད།