འདི་ག་ཚགས་པར་ཁང་དུ་པེ་ཅིང་ནས་ཟླ་12ཚེས་27ཉིན་གློག་འཕྲིན་འབྱོར་གསལ། ཟླ་12ཚེས་27ཉིན། ཏང་འཛུགས་སྐྱོང་སྣེ་ཁྲིད་དུ་བྱེད་པའི་ཞུ་འབྱོར་འཕྲལ་སྒྲུབ་ཀྱི་ཉམས་མྱོང་གི་ས་ཡུལ་དངོས་ཀྱི་སྐུལ་སྤེལ་ཚོགས་འདུ་པེ་ཅིང་དུ་འཚོགས་པ་རེད། ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སྤྱི་ཚོགས་ལས་དོན་སྐོར་གྱི་རྣམ་བཤད་གལ་ཆེན་དང་གཞི་རིམ་བཅོས་སྐྱོང་སྐོར་གྱི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། ཀྲུང་དབྱང་སྤྱི་ཚོགས་ལས་དོན་ཚོགས་འདུའི་བཀོད་སྒྲིག་བླང་བྱ་དོན་འཁྱོལ་བྱས་ཏེ། པེ་ཅིང་གིས་ཏང་འཛུགས་སྐྱོང་སྣེ་ཁྲིད་དུ་བྱེད་པའི་ཞུ་འབྱོར་འཕྲལ་སྒྲུབ་སྒྱུར་བཅོས་ཀྱི་ཉམས་མྱོང་ལ་སྔར་བས་ཕྱོགས་སྡོམ་དང་ཁྱབ་གདལ་དུ་བཏང་བ་དང་། ཏང་འཛུགས་སྐྱོང་སྣེ་ཁྲིད་དུ་བྱེད་པའི་ཞུ་འབྱོར་འཕྲལ་སྒྲུབ་བྱས་ནས་གཞི་རིམ་བཅོས་སྐྱོང་གི་དཀའ་གནད་སེལ་བར་ཞིབ་འཇུག་བྱས་ཏེ། ཏང་འཛུགས་སྐྱོང་སྣེ་ཁྲིད་དུ་བྱེད་པའི་གཞི་རིམ་བཅོས་སྐྱོང་གི་ལས་དོན་བཀོད་སྒྲིག་བྱས་པ་རེད།

ཚོགས་འདུའི་ཐོག་ནན་བཤད་བྱས་དོན། ཏང་གི་འགོ་ཁྲིད་ལ་ཤུགས་སྣོན་བརྒྱབ་སྟེ་ཏང་འཛུགས་སྐྱོང་སྣེ་ཁྲིད་དུ་བྱེད་པ་དེ་ཁ་ཕྱོགས་ལ་ཁྲིད་སྟོན་མཐའ་འཁྱོངས་དང་། དོན་ཆེན་འགན་ལེན་ལ་དམིགས་པ། ལམ་སྲོལ་འཛུགས་པར་སྣང་ཆེན་བྱེད་པ། ཞབས་ཞུར་སྐུལ་འདེད་ནུས་ལྡན་གཏོང་བ་བཅས་ཀྱི་ཞིབ་ཕྲའི་བྱེད་ཐབས་དང་བྱ་སྤྱོད་དངོས་སུ་བསྒྱུར་བ་དང་། སྔར་བས་རང་རྟོགས་ངང་མི་དམངས་ཀྱི་ལངས་ཕྱོགས་སུ་བརྟན་པོར་ལངས་པ་དང་། དམིགས་ཡུལ་གྱི་འདུ་ཤེས་ཆེ་རུ་གཏོང་བ། བརྩེ་བ་དང་ལྷག་བསམ་ལ་བརྟེན་ནས་མང་ཚོགས་ཀྱི“འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག”བཅས་ཀྱི་གནད་དོན་ནུས་ཤུགས་ཡོད་རྒུས་ཐག་གཅོད་བྱེད་པ། གཞི་རིམ་ལ་དམ་འཛིན་ཤུགས་ཆེན་བྱེད་པའི་སྟོན་ཕྱོགས་གསལ་པོ་བརྟན་པོར་བཙུགས་ནས་དབང་ཆ་སྤྲོད་པ་དང་། གཞི་རིམ་དུ་བསྐྱོད་པ། ཕན་འབྲས་ཆེར་གཏོང་བཅས་མཐའ་འཁྱོངས་བྱས་ཏེ་གཞི་རིམ་དུ་བཅོས་སྐྱོང་གཙོ་བོར་བྱེད་པ་དང་། དབང་ཆ་གཤམ་སྤྲོད། སྟོབས་ཤུགས་གཞི་རིམ་དུ་ཕྱོགས་པ་བཅས་ལ་སྐུལ་འདེད་གཏོང་བ། གྲངས་གཞི་ཆེན་པོ་བེད་སྤྱོད་ལ་སྣང་ཆེན་བྱས་ཏེ། གྲངས་འཛིན་ནུས་འདོན་ལ་ཤུགས་སྣོན་རྒྱག་པ། གྲངས་གཞི་བརྒྱུད་ཐུན་མོང་གི་གནད་དོན་ཤེས་རྟོགས་དང་ཐག་གཅོད་བྱས་ཏེ། “དོན་དག་གཅིག”ཐག་གཅོད་བྱེད་པ་ནས“དོན་དག་རིགས་ཁག་གཅིག”ལེགས་སྒྲུབ་བྱེད་པའི་ཕྱོགས་སུ་སྣུར་སྲིང་བྱ་རྒྱུར་སྐུལ་འདེད་གཏོང་བ་བཅས་བྱེད་དགོས། སློབ་སྦྱོང་དང་བེད་སྤྱོད་བྱེད་རིང་། ཞུ་འབྱོར་འཕྲལ་སྒྲུབ་ཀྱི་ལས་དོན་དེ་རིམ་པ་དེ་གའི་ཏང་ཨུད་ཀྱི་ཉིན་རེའི་གྲོས་རིམ་གལ་ཆེན་ནང་འཇུག་པ་དང་། འགོ་ཁྲིད་མ་ལག་དང་ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བའི་ཆེད་དོན་སྐུལ་འདེད་ལས་དོན་དང་། སྒྱུར་བཅོས་གསར་གཏོད་ཀྱི་སྙིང་སྟོབས་རྒྱུན་འཛིན་བྱས་ནས་ཁྱོན་ཡོངས་ནས་སྐུལ་འདེད་གཏོང་བ། 12345ཡི་གྲོང་མིའི་ཞབས་ཞུའི་ཐད་སྦྲེལ་ཁ་པར་ཐབས་ལམ་གཙོ་བོར་བྱེད་པའི་ཞུ་འབྱོར་དང་ལེན་དང་བདག་སྤྲོད་ལས་སྟེགས་ཡག་པོ་སྤྱོད་པ་བཅས་བྱེད་དགོས།

（པ་ཕན་གྱིས་བསྒྱུར། གནམ་ཕྱུག་རྒྱལ་དང་པ་ཕན་གྱིས་ཞུས)