འདི་ག་ཚགས་པར་ཁང་དུ་ལྷ་ས་ནས་ཟླ་12ཚེས་23ཉིན་གནས་ཚུལ་འབྱོར་གསལ། བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། གསར་འགོད་པར་བོད་རང་སྐྱོང་ལྗོངས་ལུས་རྩལ་ཅུས་ནས་ཤེས་རྟོགས་བྱུང་བར། ཟླ་12ཚེས་23ཉིན། 2024ལོའི་རྒྱལ་ཡོངས་ཀྱི་གངས་ཤུད་རི་འཛེག་ལེགས་སྐྱེས་འགྲན་བསྡུར་ཅི་ལིན་ཞིང་ཆེན་ཅི་ལིན་གྲོང་ཁྱེར་པའེ་ཏ་མཚེའུ་ཡི་གངས་ཤུད་ཐང་དུ་གཉེར་འགོ་ཚུགས་པ་རེད།

འགྲན་བསྡུར་གྱི་ཉིན་དང་པོའི་ཐད་དཔྱང་མྱུར་ཚད་འགྲན་བསྡུར་ཁྲོད་བོད་ལྗོངས་ཀྱི་བདམས་ཐོན་པ་བཀྲ་ཤིས་དགེ་འདུན་དང་། ཚེ་དབང་རྡོ་རྗེ། དབྱངས་ཚེ་བཅས་སོ་སོར་སྐྱེས་པའི་ཡོངས་བསྒྲགས་ཚོགས་ཆུང་གི་གསེར་དང་། དངུལ། ཟངས་བཅས་ཀྱི་རྟགས་མ་ཐོབ་པ་དང་། བསྟན་འཛིན་ཆོས་འཕེལ་དང་འཇམ་དབྱངས་བློ་གྲོས་ལ་ཨང་བཞི་པ་དང་ལྔ་པའི་གྲུབ་འབྲས་བཟང་པོ་ཁག་སོ་སོར་ཐོབ་པ། བཀྲ་ཤིས་བསྟན་སྒྲོན་ལ་རྣམ་གྲངས་དེའི་བུད་མེད་ཀྱི་ཡོངས་བསྒྲགས་ཚོགས་ཆུང་གི་གསེར་གྱི་རྟགས་མ་ཐོབ་པ་རེད།