འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཉེ་ཆར། མཚོ་སྔོན་མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་གཏེར་ལེན་ཁ་གྲོང་ཁྱེར་དུ་སློབ་གྲྭ་ཆེ་མོ་བ་གྲོང་ཚོར“ལས་འགན་ཁུར་བར”བསྐྱོད་པའི་གྲོས་མོལ་ཚོགས་འདུ་དང་། “ཚྭ་འདམ་ལ་བརྩེ་བ་བཅངས། ཕ་ཡུལ་དུ་རྩལ་ནུས་ངོམ”ཞེས་པའི་ཆེད་དོན་ལས་མི་བསྡུ་བའི་ཚོགས་འདུ་འཚོགས་པ་རེད།

བྱེད་སྒོ་སྤེལ་ཡུལ་དུ། མཚོ་ནུབ་ཀྲོའུ་ཡི་ས་ཁུལ་7ནས་ཡོང་བའི་རྩ་འཛུགས་སྡེ་ཚན་གྱིས་རང་སོ་སོའི་ལས་ཀའི་དོན་དངོས་ལ་དམིགས་ནས། སློབ་གྲྭ་ཆེ་མོ་བ་གྲོང་ཚོར“ལས་འགན་ཁུར་བར”བསྐྱོད་པའི་མཐུན་རྐྱེན་སྲིད་ཇུས་དང་། ལས་གནས་ཀྱི་འགན་འཁྲི། དེ་བཞིན་འཕེལ་རྒྱས་ཀྱི་མདུན་ལམ་བཅས་ངོ་སྤྲོད་ཞིབ་ཕྲ་བྱས་ཏེ། བསྡུ་ཚོགས་ལ་ཡོང་མཁན་སློབ་གྲྭ་ཆེ་མོ་བས་ལས་དོན་དེར་ངོས་འཛིན་དེ་བས་ཁ་གསལ་ཡོང་བར་བྱས་ཡོད། དེ་དང་ཆབས་ཅིག གཙོ་གཉེར་ཕྱོགས་ཀྱིས་ད་དུང་གྲོང་ཚོའི（སྡེ་ཁུལ）ཏང་རྩ་འཛུགས་ཀྱི་ཕུལ་བྱུང་འཐུས་མི་གདན་དྲངས་ནས། གྲོང་གསེབ་ཀྱི་གཞི་རིམ་ལས་དོན་ཐད་ཀྱི་རང་གི་མྱོང་བ་དངོས་དང་། མྱོང་ཚོར་ཟབ་མོ། རྩ་ཆེའི་ཉམས་མྱོང་བཅས་གསོན་ཉམས་དོད་པོས་བརྗོད་དེ། ཕྱོགས་ཡོངས་ནས་གཞི་འཛིན་ས་མཁོ་འདོན་བྱས་ཡོད།

ཤེས་རྟོགས་བྱུང་བར་གཞིགས་ན། 2024ལོར། མཚོ་ནུབ་ཀྲོའུ་ཡིས་སློབ་གྲྭ་ཆེ་མོ་བ་གྲོང་ཚོར“ལས་འགན་ཁུར་བར”བསྐྱོད་པའི་བྱ་སྤྱོད་ཀྱི་འཆར་གཞིར་སྐུལ་འདེད་རྒྱུན་མཐུད་གཏོང་རྒྱུ་དེ་གྲོང་ཚོའི་ལས་བྱེད་པའི་དཔུང་ཁག་གི་གྲུབ་ཆ་ལེགས་སུ་གཏོང་བ་དང་། གྲོང་གསེབ་ཀྱི་གཞི་རིམ་ཏང་འཛུགས་སྐྱོང་ལ་ཤུགས་སྣོན་རྒྱག་པ། གྲོང་གསེབ་དར་རྒྱས་ལ་སྐུལ་འདེད་གཏོང་བ་བཅས་ཀྱི་བྱེད་ཐབས་གལ་ཆེན་ལ་བརྩིས་ནས། སློབ་གྲྭ་ཆེ་མོ་བ་ནང་འདྲེན་དང་། གསོ་སྐྱོང་། དོ་དམ། བཀོལ་སྤྱོད་སོགས་ལྷུ་ཚིགས་ཁག་གི་ལས་དོན་ལེགས་སུ་བཏང་བ་དང་། བྱང་ཚད་ལེགས་པ་དང་། འགན་འཁྲི་ཁུར་ཕོད་པ། བྱས་རྗེས་འཇོག་ཐུབ་པའི་གཞི་རིམ་ལས་བྱེད་པའི་དཔུང་ཁག་ནུས་ཤུགས་ཡོད་རྒུས་བཏོད་དེ། གྲོང་གསེབ་དར་རྒྱས་ལ་སྐུལ་འདེད་གཏོང་བར་སྒུལ་ནུས་ཆེན་པོ་བསྣན་ཡོད་པ་རེད། མིག་སྔར། ཀྲོའུ་ཡོངས་སུ་སློབ་གྲྭ་ཆེ་མོ་བ་357གྲོང་ཚོར“ལས་འགན་ཁུར་བར” བསྐྱོད་པ་རེད།