ཉེ་ཆར། སི་ཁྲོན་ཞིང་ཆེན་རྔ་པ་བོད་རིགས་ཆའང་རིགས་རང་སྐྱོང་ཀྲོའུ་ལི་རྫོང་གི་དགུན་དུས་ཀྱི་པི་ཕུང་རོང་མཛེས་ལྗོངས་ཁུལ་དུ་དར་ཆགས་ཏེ་གངས་འཁྱགས་ཀྱི་བྱིས་སྒྲུང་འཇིག་རྟེན་ཞིག་དང་འདྲ་བས། ཡུལ་སྐོར་བ་མི་ཉུང་བ་ཞིག“གངས་འཁྱགས”ཀྱི་དགའ་སྟོན་ལ་ཞུགས་རྒྱུའི་ཡིད་དབང་བཀུག་ཡོད། པི་ཕུང་རོང་མཛེས་ལྗོངས་ཁུལ་ནི་འཛམ་གླིང་གི་རང་བྱུང་ཤུལ་བཞག་དོམ་ཁྲའི་འཚོ་སྡོད་ཁུལ་ཞིག་དང་། མི་དང་རང་བྱུང་ཁམས་ཀྱི་སྲུང་སྐྱོང་འཁོར་རྒྱ་ཡིན་པའི་མྱག་ལོའི་རང་བྱུང་སྲུང་སྐྱོང་ཁུལ་གྱི་ལྟེ་བའི་ས་ཁོངས་ཤིག་ཀྱང་རེད། མིག་སྔར། མཛེས་ལྗོངས་ཁུལ་དེ་ཉིད་རྒྱལ་ཁབ་ཀྱི་སྐྱེ་ཁམས་ཡུལ་སྐོར་གྱི་དཔེ་སྟོན་ཁུལ་དང་། རྒྱལ་ཁབ་ཀྱི་AAAAརིམ་པའི་ཡུལ་སྐོར་མཛེས་ལྗོངས་ཁུལ། ཀྲུང་གོའི་སྐྱེ་ཁམས་ཡུལ་སྐོར་མཛེས་ལྗོངས་ཁུལ་ཆེ་གྲས་བཅུ་བཅས་ལ་བདམས་ཡོད་ཅིང་། འདི་ནི་སི་ཁྲོན་ཞིང་ཆེན་རྔ་པ་བོད་རིགས་ཆའང་རིགས་རང་སྐྱོང་ཀྲོའུ་ལི་རྫོང་པི་ཕུང་རོང་མཛེས་ལྗོངས་ཁུལ་དུ་ཡུལ་སྐོར་བས་གངས་ཤུད་སྦག་སྦག་གཏོང་བཞིན་པ།