འདི་ག་ཚགས་པར་ཁང་དུ་པེ་ཅིང་ནས་ཟླ་12ཚེས་24ཉིན་གློག་འཕྲིན་འབྱོར་གསལ། ཚེས་24ཉིན། ཕྱི་འབྲེལ་པུའི་མགྲིན་ཚབ་པ་མའོ་ཉིང་གིས་ཨུ་རུ་སུས་འབོ་གསེར་རོགས་ཟླའི་རྒྱལ་ཁབ་ཀྱི་མིང་ཐོ་ཁྱབ་བསྒྲགས་བྱས་པའི་ཐད་བརྗོད་དོན། འབོ་གསེར་ཁྱིམ་ཚང་ཆེ་མོས་རོགས་ཟླའི་རྒྱལ་ཁབ་གསར་པ་བསུས་པ་དེའི་ཐོག་ནས་འབོ་གསེར་གྱི་མཉམ་ལས་སྐས་རིམ་གསར་པ་ཞིག་ཏུ་སླེབས་པ་མཚོན་གྱི་ཡོད། ཀྲུང་གོ་ཕྱོགས་ཀྱིས་འབོ་གསེར་ཁོངས་མི་དང་རོགས་ཟླའི་རྒྱལ་ཁབ་དང་མཉམ་དུ“འབོ་གསེར་ཆེན་པོའི་མཉམ་ལས”སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་འདོད་ཡོད།

“འདི་ལོའི་ཟླ་བཅུ་པར། ཀྲུའུ་ཞི་ཞི་ཅིན་ཕིང་འབོ་གསེར་རྒྱལ་ཁབ་ཀྱི་འགོ་ཁྲིད་པའི་ཁ་ཧྲན་ཞལ་འཛོམས་ལ་ཕེབས་ནས་འབོ་གསེར་རྒྱལ་ཁབ་ཀྱི་འགོ་ཁྲིད་གཞན་དག་དང་རོགས་ཟླའི་རྒྱལ་ཁབ་འཛུགས་རྒྱུའི་ཐད་ཐུན་མོང་ངོས་འཛིན་གལ་ཆེན་བྱུང་བ་དེ་ནི་ན་ནིང་ལོ་རྒྱུས་རང་བཞིན་གྱི་ཁོངས་མི་རྒྱ་སྐྱེད་བྱུང་རྗེས་ཀྱི་འབོ་གསེར་འཕེལ་རྒྱས་ཀྱི་འཕེལ་རིམ་གལ་ཆེན་གཞན་ཞིག་རེད”ཁ་ཧྲན་གྱི་ཞལ་འཛོམས་རྗེས་སུ། ཀྲུང་གོ་ཕྱོགས་ཀྱིས་ཀྲུའུ་ཞིའི་རྒྱལ་ཁབ་ཨུ་རུ་སུར་གཞོགས་འདེགས་ཧུར་ཐག་བྱས་ནས་འབོ་གསེར་གྱི་ཁོངས་མིའི་རྒྱལ་ཁབ་གཞན་དག་དང་མཉམ་དུ་རོགས་ཟླའི་རྒྱལ་ཁབ་ལས་དོན་ལ་སྐུལ་འདེད་བཏང་མཐར་ཧིན་རྡུ་ཉི་ཞི་ཡ་དང་། མ་ལེ་ཞི་ཡ། ཐེ་ལན། བྷེ་ཨུ་རུ་སུ། པོ་ལི་ཝེ་ཡ། ཁུ་པ། ཧ་སག་སི་ཐན། ཨུ་ཟ་བྷེ་ཁེ་སི་ཐན། ཝུ་ཀན་ཏ་བཅས་འབོ་གསེར་རོགས་ཟླའི་རྒྱལ་ཁབ་ཏུ་གཏན་འཁེལ་བྱས་ཡོད་ཅེས་མའོ་ཉིང་གིས་གསར་འགོད་པའི་འཆར་ཅན་ཚོགས་འདུའི་ཐོག་བརྗོད་པ་རེད།

（དམ་ཆོས་མི་ཕམ་གྱིས་བསྒྱུར། བསོད་ནམས་བདེ་སྐྱིད་ཆེ་བས་ཞུས）