ཤིན་ཧྭ་གསར་འགྱུར་ཁང་གྲོང་ཁྱེར་ཀ་ཏ་མན་རྡུ་ནས་ཟླ་12ཚེས་23ཉིན་གློག་འཕྲིན་འབྱོར་གསལ། ཀྲུང་ལུགས་གསོ་རིག་བདེ་ཐང་ལུས་གསོའི་རྒྱལ་སྤྱིའི་སྨན་བཅོས་ལྟེ་གནས་དང་པོ་དེ་ཟླ་7པའི་ཟླ་མཇུག་ཏུ་ནེ་པ་ལར་བཙགས་རྗེས། ཟླ་12ཚེས་23ཉིན་ཀྲུང་གོས་རོགས་སྐྱོར་བྱས་ནས་བསྐྲུན་པའི་ཀ་ཏ་མན་རྡུའི་གཞུང་ལས་པའི་སྨན་ཁང་དུ་ནེ་པ་ལའི་ཀྲུང་ལུགས་གསོ་རིག་རྒྱལ་སྤྱིའི་སྨན་བཅོས་ལྟེ་གནས་ཀྱི་སྒོ་བྱང་གི་ཡོལ་བ་ཕྱེ་བ་རེད།

ངོ་སྤྲོད་བྱས་པར་གཞིགས་ན། ནེ་པ་ལར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་གི་རུ་མི་དང་ནེ་པ་ལའི་ཀྲུང་ལུགས་གསོ་རིག་སྨན་པས་ལྟེ་གནས་དེར་ཁབ་བཙའ་དང་། འཕུར་མཉེད། སྲུབ་འབྲད། མེ་བུམ་སོགས་ཀྲུང་ལུགས་གསོ་རིག་གི་སྨན་བཅོས་རབ་དང་རིམ་པ་བྱས་ནས་ནེ་པ་ལའི་དམངས་ཚོགས་ལ་སྨན་བཅོས་ཀྱི་གདམ་ག་གསར་པ་མཁོ་འདོན་བྱས་ཡོད། ལྷག་པར་དུ་གཞོགས་ཕྱེད་ལ་གྲིབ་སྐྱོན་ཕོག་པ་དང་སྐེ་ཚིགས་དང་སྒལ་ཚིགས་ན་བ་སོགས་ཀྱི་རྒྱུན་མཐོང་ནད་དང་གཅོང་ནད་སྨན་བཅོས་ལ་ཀྲུང་ལུགས་གསོ་རིག་སྨན་རྫས་ཀྱི་དམིགས་བསལ་གྱི་ལེགས་ཆ་དེ་བས་མངོན་ཡོད།　གཞན་ཡང་ལྟེ་གནས་དེས་ད་དུང་སྨན་པ་བཀའ་བཅུ་པ་གསོ་སྦྱོང་དང་སྨན་བཅོས་སྒྲིག་ཆས་རོགས་སྐྱོར་སོགས་ཀྱི་བྱ་ཐབས་བརྒྱུད། ནེ་པ་ལར་ཀྲུང་ལུགས་གསོ་རིག་གི་སྨན་བཅོས་རྩལ་ནུས་ལྡན་པའི་གསོ་རིག་ཤེས་ལྡན་པ་གསོ་སྐྱོང་བྱེད་རོགས་བྱས་པ་རེད།

ནེ་པ་ལར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཁྲེན་སུང་གིས་སྒོ་བྱང་གི་ཡོལ་བ་ཕྱེ་བའི་མཛད་སྒོའི་ཐོག་ཤིས་ཚིག་སྒྲོན་སྐབས་ནེ་པ་ལར་རོགས་སྐྱོར་བྱེད་མཁན་སྨན་བཅོས་རུ་ཁག་གཞུང་ལས་པའི་སྨན་ཁང་དུ་བཅའ་སྡོད་དང་ནེ་པ་ལའི་ཀྲུང་ལུགས་གསོ་རིག་རྒྱལ་སྤྱིའི་སྨན་བཅོས་ལྟེ་གནས་བཙུགས་པ་དེ་ཐོག་ནས་ནེ་པ་ལའི་ཙུང་ལི་ཨའོ་ལི་ཡིས་ཟླ་འདིའི་ཟླ་འགོར་ཀྲུང་གོར་འཚམས་འདྲི་གནང་བར་ཐོབ་པའི་དངོས་སྒྲུབ་གྲུབ་འབྲས་གང་ལེགས་མཚོན་གྱི་ཡོད་པ་དང་། ཀྲུང་ནེ་རྒྱལ་ཁབ་གཉིས་པོའི་སྨན་བཅོས་འཕྲོད་བསྟེན་ཁྱབ་ཁོངས་ཀྱི་མཉམ་ལས་སྔར་བས་གཏིང་ཟབ་ཏུ་ཕྱིན་ཡོད་ཅེས་བརྗོད་པ་རེད། ནེ་པ་ལའི་རྒྱལ་ཕྲན་མཉམ་འབྲེལ་ལས་དོན་དང་སྤྱི་ཁྱབ་སྲིད་འཛིན་པུའི་པུའུ་ཀྲང་ལ་ཅེ·ཁུའུ་མར·ཀུའུ་ཕུའུ་ཐ་ཡིས་ཤིས་ཚིག་སྒྲོན་སྐབས། ཀྲུང་ལུགས་གསོ་རིག་ལ་ལོ་རྒྱུས་ཡུན་རིང་ལྡན་པ་དང་ཁབ་བཙའ་དང་། རྩྭ་སྨན། ཟས་བཅོས་སོགས་ལ་ཕན་ནུས་ཧ་ཅང་ཡག་པོ་ཡོད་པས། གཞུང་ཞབས་པའི་སྨན་ཁང་གིས་ཀྲུང་ལུགས་གསོ་རིག་གི་གསོ་ཐབས་སྣ་ཚོགས་སྤྱད་དེ་ས་གནས་དེ་གའི་དམངས་ཚོགས་ལ་ཞབས་འདེགས་ཞུ་ཐུབ་རྒྱུའི་རེ་བ་ཡོད་ཅེས་བརྗོད་པ་རེད།