ཤིན་ཧྭ་གསར་འགྱུར་ཁང་པེ་ཅིང་ནས་ཟླ་12ཚེས་24ཉིན་གློག་འཕྲིན་འབྱོར་གསལ། ཚེས་24ཉིན་རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོཌ་ཀྱིས《ཀྲུང་གོའི་དམངས་གཉེར་ཁེ་ལས་ཀྱི་སྤྱི་ཚོགས་འགན་འཁྲིའི་སྙན་ཞུ(2024)》ཁྱབ་བསྒྲགས་བྱས་ཤིང་། སྙན་ཞུའི་ནང་མངོན་པར། དམངས་གཉེར་ཁེ་ལས་ཀྱིས་ལས་ཞུགས“བརྟན་གཏོང་ཡོ་བྱད”ཀྱི་ནུས་པ་རྒྱུན་མཐུད་བཏོན་པས་ལས་མི་གླ་སྐུལ་སྤྱིའི་ཆ་ནས་བརྟན་པོ་རྒྱུན་འཁྱོངས་ཐུབ་པ་དང་། གླ་ཕོགས་སྤྲོད་པའི་གཞི་རྩའི་གནས་ཚུལ་ལེགས་ཙམ་ཡོད་པ། ཁེ་དབང་འགན་ལེན་ཁག་བརྟན་པོའི་ངང་དོན་ཐོག་ཏུ་འཁྱོལ་བ་བཅས་བྱུང་ནས། ངལ་རྩོལ་འབྲེལ་བའི་མཐུན་སྦྱོར་ལམ་སྲོལ་རིམ་བཞིན་འཐུས་སྒོ་ཚང་དུ་ཕྱིན་ཡོད།

སྙན་ཞུའི་ནང་བརྟག་ཞིབ་ལ་ཞུགས་པའི་དམངས་གཉེར་ཁེ་ལས་13885ཡི་འབྲེལ་ཡོད་གྲངས་གཞི་གཞིར་བཟུང་བ་དང་རྒྱལ་ཁབ་ཀྱི་འབྲེལ་ཡོད་སྡེ་ཚན་གྱི་ཡོངས་བསྒྲཌ་ཆ་འཕྲིན་དང་ཟུང་འབྲེལ་བྱས་ཏེ། 2023ལོའི་ཀྲུང་གོའི་དམངས་གཉེར་ཁེ་ལས་ཀྱི་སྤྱི་ཚོགས་འགན་འཁྲིའི་གནས་ཚུལ་ལ་ཕྱོགས་བསྡུས་དབྱེ་ཞིབ་བྱས་པས། ཚན་རྩལ་གསར་གཏོད་ལ་སྐུལ་འདེད་གཏོང་བ་དང་། ལྗང་མདོག་འཕེལ་རྒྱས་མགྱོགས་སུ་གཏོང་བ། ལས་ཞུགས་བརྟན་པོ་ཡོང་བར་སྐུལ་འདེད་གཏོང་བ། གྲོང་གསེབ་དར་རྒྱས་གཏོང་བར་ཞུགས་པ། སྤྱི་ཕན་དགེ་སྒྲུབ་སྤེལ་བ། ཕྱི་རྒྱལ་དུ་འགན་འཁྲི་སྒྲུབ་པར་དོ་སྣང་བྱེད་པ། ཁེ་ལས་བཅོས་སྐྱོང་ཚད་ལྡན་དུ་གཏོང་བ་སོགས་ཐད་ཀྱི་དམངས་གཉེར་ཁེ་ལས་ཀྱི་གནས་ཚུལ་དང་དེ་བཞིན་སྤྱི་ཚོགས་ཀྱི་འགན་འཁྲི་སྒྲུབ་པའི་ཁྱད་ཆོས་གཙོ་བོ་ཤེས་རྟོགས་ཐུབ་ཡོད།

སྙན་ཞུའི་ནང་མངོན་པར། 2023ལོར། ཞིབ་འཇུག་གསར་སྤེལ་ལ་མ་དངུལ་གཏོང་ཚད་མདུན་གྲལ་དུ་སླེབས་པའི་ཁེ་ལས་1000གི་ཞིབ་འཇུག་གསར་སྤེལ་གྱི་འགྲོ་གྲོན་སྒོར་དུང་ཕྱུར་ཁྲི་1.39ཟིན་པ་དེ་དུས་མཚུངས་ལས་12.7%འཕར་བ་དང་། ཆེད་ཞིབ་ཁྱབ་གསར་བཞིའི་ཁེ་ལས་འབྲིང་ཆུང་ཁྲོད་དམངས་གཉེར་ཁེ་ལས་ཀྱིས་95%ཟིན་ཡོད། ད་ཐེངས་བརྟག་ཞིབ་ལ་ཞུགས་མཁན་དམངས་གཉེར་ཁེ་ལས་ཁྲོད་གསར་གཏོད་དང་ཞིབ་འཇུག་གསར་སྤེལ་ལ་མ་དངུལ་བཏང་བའི་ཁེ་ལས་4342ཡོད་པ་དེས་31.3%ཟིན་ཡོད། 2023ལོར། དམངས་གཉེར་ཁེ་ལས་ཀྱི་གྲངས་འབོར་ཁྲི་5300ལས་བརྒལ་བ་དེས་ཁེ་ལས་ཡོངས་ཀྱི་གྲངས་འབོར་གྱི་92.3%ཟིན་པ་དང་། གྲོང་ཁྱེར་དང་གྲོང་རྡལ་དུ་ལས་ཞུགས་གསར་པ་90%ཡན་མཁོ་འདོན་བྱས་ཡོད། བརྟག་ཞིབ་ལ་ཞུགས་མཁན་དམངས་གཉེར་ཁེ་ལས་ཀྱི་ལས་མི་བསྡོམས་ཁྲི་570.3ལྷག་ཙམ་ཟིན་པ་དང་། ལས་ཞུགས་བསྡུ་ལེན་བྱས་པའི་མི་གྲངས་ལོ་གོང་མ་ལས་9.5%འཕར་ཡོད།

སྙན་ཞུའི་ནང་དམངས་གཉེར་ཁེ་ལས་ཀྱི་སྤྱི་ཚོགས་འགན་འཁྲིའི་འཕེལ་རྒྱས་སྟོན་གྲངས་དང་བརྟག་ཞིབ་གྲངས་གཞི་གཞིར་བཟུང་། 2023ལོར་ཀྲུང་གོའི་དམངས་གཉེར་ཁེ་ལས་ཀྱིས་སྤྱི་ཚོགས་འགན་འཁྲི་སྒྲུབ་པའི་ཁྱད་ཆོས་གཙོ་བོ་གསེད་བཀྲོལ་དང་ཕྱོགས་སྡོམ་བྱས་པ་དང་། དེའི་ནང“ལས་མིའི་འགན་འཁྲི་འཁུར་སེམས་མངོན་གསལ་དོད་པ་དང་ཁེ་ལས་འཕེལ་རྒྱས་སྐྱོན་བྲལ་འགྲོ་བ་དེ་བས་འབུར་དུ་ཐོན་པ”དང“ཁེ་ལས་ཆེ་འབྲིང་རྒྱུན་མཐུད་མདུན་ལ་སླེབས་པ་དང་ཁེ་ལས་ཀྱི་ཞབས་ཞུའི་འདུ་ཤེས་ཟབ་ཏུ་ཕྱིན་པ”སོགས་ཚུད་ཡོད།

རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས་ད་དུང《ཀྲུང་གོའི་དམངས་གཉེར་ཁེ་ལས་ཀྱི་སྤྱི་ཚོཌ་འགན་འཁྲིའི་ཕུལ་བྱུང་དཔེ་མཚོན(2024)》ཁྱབ་བསྒྲགས་བྱས་པ་དང་། ཁྱོན་ཁེ་ལས་61བདམས་ཐོན་བྱུང་ཞིང་། དེ་དག་གྲོང་གསེབ་དར་རྒྱས་དང་། ལྗང་མདོག་འཕེལ་རྒྱས། ཚན་རྩལ་གསར་གཏོད། ལས་ཞུགས་སྐུལ་གཏོང་། ཕྱོགས་བསྡུས་སོགས་རིགས་ཁག་ཏུ་དབྱེ་ཡོད་པ་རེད།

(ཚེ་རིང་བུ་ཁྲིད་ཀྱིས་བསྒྱུར། ལྷག་ཚེས་ཞུས)