འདི་ག་ཚགས་པར་ཁང་དུ་པེ་ཅིང་ནས་ཟླ་12ཚེས་24ཉིན་གློག་འཕྲིན་འབྱོར་གསལ། ཚེས་24ཉིན། འཛམ་གླིང་གི་ས་བབ་མཐོ་ཤོས་ཀྱི་འོད་ཤུགས་རྣམ་གྲངས——ཧྭ་ནེང་ནཱ་ཀུའུ་འོད་ཤུགས་གློག་ཁང་གི་དུས་ཐེངས་དང་པོའི་རྣམ་གྲངས་ཡུན་ནན་བདེ་ཆེན་དུ་དྲ་སྦྲེལ་ཐུབ་ནས་གློག་གཏོང་འགོ་ཚུགས་པ་དང་གློག་ཁང་དེ་གནས་ཡུལ་གྱི་ས་བབ་མཐོ་ཤོས་ལ་སྨི་5240ལྷག་ཙམ་ཟིན་ཡོད་པ་རེད།

ཧྭ་ནེང་ནཱ་ཀུའུ་འོད་ཤུགས་གློག་ཁང་ནི་ཧྭ་ནེང་རྫ་ཆུའི་རླུང་ཤུགས་དང་འོད་ཤུགས་གཞི་གཅིག་ཅན་གྱི་ནུས་རྒྱུ་གཙང་མའི་རྟེན་གཞིའི་འཛུགས་སྐྲུན་རྣམ་གྲངས་གལ་ཆེན་ཞིག་ཡིན་པ་དེའི་དུས་ཐེངས་དང་པོའི་རྣམ་གྲངས་ཀྱིས་ས་ཁྱོན་མུའུ་1900བཟུང་ནས་ཚད་ལྡན་རྐང་རྩེད་སྤོ་ལོའི་ཐང་177ཙམ་གྱི་ཚད་གཞིར་སླེབས་པ་དང་ས་བབ་སྨི་4800ནས་5300བར་དུ་འོད་ཤུགས་ཤེལ་ལེབ་སྟར་པ་32བསྐྲུན་པ་དང་ལྷུ་ལག་ཁྲི་20ཙམ་བསྒར་བར་སྒྲིག་སྦྱོར་བྱས་པའི་འཕྲུལ་འཁོར་གྱི་གཞི་ཁྱོན་ཆན་ཝ་ཁྲི་10ཟིན་ཡོད།

དུས་ཐེངས་དང་པོའི་རྣམ་གྲངས་བསྐྲུན་རྗེས་ལོར་ཆ་སྙོམས་གློག་གཏོང་ཚད་ཆན་ཝ་ཆུ་ཚོད་དུང་ཕྱུར་1.58ཟིན་ནས་ཚད་ལྡན་རྡོ་སོལ་ཏུན་ཁྲི་4.74གྲོན་ཆུང་ཐུབ་པ་དང་དབྱང་གཉིས་ཐཱན་འགྱུར་ཕྱིར་འབུད་བྱེད་ཚད་ཏུན་ཁྲི་12.4ཉུང་དུ་གཏོང་ཐུབ་ཀྱི་ཡོད།