འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཉེ་ཆར“2024ལོའི་སྐྱིད་སྣང་ཆེ་ཤོས་ལྡན་པའི་གྲོང་ཁྱེར”ཁག་གི་མིང་ཐོ་ཁྱབ་བསྒྲགས་བྱས་ཤིང་། དེའི་ནང་ཟི་ལིང་བདམས་ཐོན་བྱུང་ཡོད། ཤེས་རྟོགས་བྱུང་བར་གཞིཌ་ན། “སྐྱིད་སྣང་ཆེ་ཤོས་ལྡན་པའི་གྲོང་ཁྱེར”གྱི་བརྟག་དཔྱད་འོས་འདེམས་བྱེད་སྒོ་དེ《ཤར་ཕྱོགས་རྒྱང་ལྟའི་གཟའ་འཁོར་དུས་དེབ》ཀྱིས་གཙོ་གཉེར་བྱས་པ་དང་ད་བར་ལོ་18བསྟུད་མར་གཉེར་ཡོད།

ཟི་ལིང་གིས་སྐྱེ་ཁམས་ཁོར་ཡུག་ཡག་པོ་དེ་ཀུན་ལ་ཕན་ཤོས་ཀྱི་དམངས་འཚོའི་བདེ་སྐྱིད་དུ་བརྩིས་པ་དང་། ལྗང་མདོག་ཐཱན་ཉུང་ཐོན་ལས་དེ་དམངས་ཕྱུག་ཐོན་ལས་སུ་བཏོད་པ། སེ་འབྲུའི་རྡོག་པོ་ལྟ་བུའི་ཁྱིམ་གཞིས་དེ་མི་རིགས་ཁག་གི་མང་ཚོགས་ཕན་ཚུན་ལྟ་སྐྱོང་གི་ཁྱིམ་ཚང་ཆེན་པོར་བསྐྲུན་པ། དམངས་འཚོའི་བདེ་སྐྱིད་དེ་སྲིད་སྐྱོང་གི་བྱས་རྗེས་ཆེ་ཤོས་སུ་བརྩིས་ཡོད། དམངས་འཚོའི་གཏོང་སྒོས་ནོར་སྲིད་གཏོང་སྒོའི་བསྡུར་ཚད་ཀྱི་80%ཡན་ཟིན་པ་ཐོག་མཐའ་བར་གསུམ་དུ་རྒྱུན་འཁྱོངས་བྱས་ཤིང་། ལོ་ལྟར་ནུས་ཤུགས་ཡོད་རྒུས་དམངས་འཚོའི་བྱ་བ་དངོས་ཀྱི་རྣམ་གྲངས་ལེགས་པར་བསྒྲུབས་ཏེ། གྲོང་ཁྱེར་དང་གྲོང་གསེབ་ཀྱི་འོས་འགན་སློབ་གསོའི་ཚོགས་པ་ཅན་གྱི་སློབ་གཉེར་དང་། འབྲེལ་ཟབ་གཞི་གཅིག་ཅན་གྱི་སྨན་བཅོས་མཉམ་འབྲེལ་སྒྲིག་གཞི། སྨན་བཅོས་དང་རྒན་གསོ་མཉམ་འདྲེས་ཀྱི“ལག་ཁྱེར་གཉིས་དང་ལས་གཉེར་གཉིས”ཀྱི་རྣམ་པ་སོགས་དམངས་འཚོའི་ཁྱབ་ཁོངས་ཀྱི་སྒྱུར་བཅོས་རྒྱལ་ཡོངས་ཀྱི་མདུན་གྲལ་དུ་སླེབས་ཡོད། 2023ལོའི་ཟླ་10པ་ཚུན་དུ་ཏང་འཛུགས་སྐྱོང་གིས“རེ་འདུན་འཕྲལ་དུ་སྒྲུབ་པར”སྣེ་ཁྲིད་བྱེད་པའི་གསར་གཏོད་ལམ་སྲོལ་ཁྱབ་གདལ་བཏང་ཚུན། རིམ་རྩིས་བརྒྱབ་ན་གྲོང་མིའི་རེ་ཞུ་ཁྲི་36དང་ལེན་བྱས་པ་དང་དང་ལེན་བྱེད་ཚད་དང་། ཐག་གཅོད་བྱེད་ཚད། བློ་ཡིད་ཚིམ་ཚད་བཅས་96%ཡན་ཟིན་ཡོད།